每天打開報紙，你最愛看的，究竟是什麼呢？

******

每天打開報紙，你最愛看的，究竟是什麼呢？

是哪一個平胸的女明星能擠得出乳溝？還是那些你連聽也沒聽過的「韓國職業聯賽」的賠率？

這些「色瞇瞇」跟「賭身家」的，跟你身為一派君子沒有任何關係？

Ok！沒問題！我明白你思想比較成熟，一定是比較喜歡留意「本地時事」及「國際大事」的。

亦即是說你很愛追看「孖辮妹」跟「風水師」的「人鬼情未了」；也很愛猜究竟那位十三歲的男孩，是否為他的「萬人枕」女友大了肚而頂包？

都不是嗎？原來你是對有「社會『性』冷感」的嗎？什麼？只對數字有興趣嗎？

那麼，你看見「師奶股神」眼見「獅子蟹銀行」跌穿三十七元而落淚的時候，一定是跟她一樣的心痛了罷。

如果以上有說中過你的什麼的話，那就恭喜你！你絕對是一個正常人！也是一個「地地道道」的香港人！一個跟大眾都沒有分別的「香港人」、「港燦」。

******

請不要誤會，以上的話，我是一點貶義也沒有的；我也沒有半點都要自視清高、跟大家分別為聖。因為看到了G奶，我的褲襠還是會繃緊；我每天一打開網路也會留意足球的新聞。我想我也是個不節不扣的香港人，也是個地道過「道地」的「港燦」。

只是除了這上以外，每天打開了報紙，我還是看到了有很多值得去看的東西；也有很多叫我不能忘懷的事情；有更多的大事，比「匯控」跌穿三十七元，更有資格值得我去流淚。

2001年

9月11日：九一一事件：恐怖份子劫持民航客機撞入美國世界貿易中心及五角大廈，造成近3000人死亡。

2003年

3月12日：WHO發佈SARS全球警報。

3月20日：第三次海灣戰爭爆發

4月：嚴重急性呼吸道症候群（SARS）在全球迅速蔓延，尤其在中國、東南亞和加拿大的多倫多最為嚴重。

4月1日：歌星張國榮於香港文華東方酒店跳樓自殺身亡。

10月15日：中國首次在甘肅酒泉衛星發射中心成功發射載人宇宙飛船神舟五號。

11月1日：台北舉辦同性戀大遊行，是華人世界中的第一次。

12月26日：伊朗發生強烈大地震，3萬人死亡，10萬多人無家可歸，20多個國家向伊朗派出救援隊與物資援助。伊朗政府拒絕了美國政府的援助請求。

2004年
1月4日：美國勇氣號火星車於東八區12時35分在火星表面成功著陸。

2月12日：美國同性婚姻：美國舊金山市開始向同性伴侶頒發結婚證書。

2月13日：韓國科學家宣稱已經克隆了30個人類胚胎。

7月14日：英國著名物理學家史蒂芬·霍金承認其之前有關黑洞的理論有錯誤。

12月26日：印度洋大地震引起印度洋沿岸巨大海嘯，對印度洋沿岸國家造成巨大破壞，有超過20萬人在此次海嘯事件中喪生，其中有許多為外國遊客。

2005年
4月8日：教宗若望保祿二世舉行葬禮，多國元首、政要及眾多信徒參與。

8月29日：卡特裡娜颶風侵襲美國路易斯安那州、密西西比州，紐奧良八成被浸在水裡，造成重大經濟損失。

9月1日：在遭受卡特裡娜颶風重創後，新奧爾良市長宣佈「棄城」，居民將全數撤出。

2006年
12月15日：一個由中國、美國、英國、德國、瑞士和日本6國科學家組成的聯合調查組遺憾宣佈，白鰭豚可能已經滅絕。

12月30日：伊拉克前總統薩達姆·侯賽因處決。

2007年
1月17日：《原子科學家公報》宣布把末日之鐘撥前2分鐘，距離子夜僅5分鐘。

4月16日：造成包括韓裔兇手趙承熙在內共33人死亡，29人受傷，為美國歷史上傷亡最慘重的槍擊事件。

4月25日：天文學家首次發現太陽系外一枚與地球相似的行星Gliese 581 c，有可能可供生物居住。

5月17日：香港影視及娛樂事務管理處表示收到超過二千宗對聖經內容不雅的投訴，並在當日發表聲明，表示不會將《聖經》呈交淫褻物品審裁處評定類別。

7月31日：位於北愛爾蘭的英國皇家愛爾蘭團正式解散，持續達38年的北愛爾蘭軍事衝突正式終結。

10月24日：中國首個探月衛星「嫦娥一號」，在6時05分發射成功。

11月17日：日本捕鯨船隊出發前往南太平洋地區，計劃捕殺935頭南極小鬚鯨、50頭座頭鯨和50頭長鬚鯨，英國、澳大利亞、紐西蘭、美國提出抗議，綠色和平組織派出希望號船艦前往阻止。

2008年
1月2日：無國界記者指出，去年有86名記者被殺，20名與媒體工作有關人士被殺害；887名記者被逮捕；1,511名記者遭受身體攻擊或威脅；67名記者被綁架。

1月28日：中國長江流域持續出現特大風雪，安徽、江西、河南、湖南、湖北、貴州、陝西等14個省同時受災，是1954年後以來最嚴重的雪災。據中國民政 部提供的數據，共有7786.2萬人受災，因災死亡24人，因災直接經濟損失220.9億元。第三輪風雪導致各地高速公路、機場路面結冰及大量積雪，陸空 交通癱瘓。15萬旅客滯留在廣州火車站，白雲機場有大約一百班飛機取消。

3月10日：天主教會公佈新的大罪名單，包括爭取過度的財富、導致社會不公、污染環境、基因改造和吸毒等。

3月25日：美國科學家藉助衛星圖像證實，南極洲南極半島的一塊巨大冰川在威爾金斯冰架邊緣斷裂入海，面積大約是415平方公里。

4月15日：世界銀行與國際貨幣基金發出警告，全球糧價飛漲，逾億人將會更窮。他們呼籲「主權財富基金」支持「全球糧食政策新政」，以避免世界各地一觸即發的社會動亂。

5月12日：中國四川省省會成都西北面96公里的阿壩藏族羌族自治州汶川縣，在北京時間14時28分發生黎克特制8級的強烈地震。北京、上海、台灣、香港及泰國曼谷等地都感受到今次地震。

5月20日：超新星誕生過程首次被人類觀測到。

8月31日：根據最新衛星照片顯示，北極地區的永久冰層已經融化出一道環狀水道。北方海路和西北航道完全貫通。

9月10日：世界上最大的、能量最高的粒子加速器CERN，由歐洲核子研究中心研發的大型強子對撞器在瑞士日內瓦啟用。

9月11日：日本北海道東岸於當地時間早上9時21分發生7.2地震中國廣播公司，印尼東部於當地時間早上9時發生7.6地震

10月7日：小行星2008 TC3在蘇丹上空進入地球大氣層，成為一顆流星，這是天文學家首次對小行星撞擊地球做出提前預報。

10月12日：歐元區15國在法國巴黎舉行一次特別峰會，試圖協調歐洲對全球信貸危機的反應。

******

面對這些時代的大事，究竟有幾多是你有真正的去關心過的呢？

面對這些時代的大事，如果用上了「我是一個基督徒」的身份去看待的話，又應該要怎樣去應對的呢？

******

2003年4月1日的晚上，你記得你身處在哪嗎？

這麼久遠的日子，你早就忘掉了嗎？

你忘掉了沒關係，反正都不關我事。但是我一點沒有忘記，我可以很肯定的告訴你，2003年4月1日的晚上，我一定是身處於「求祈劇社」位於觀塘的會址內的。

至於那天晚上在會址之內，我們進行了什麼形式的祭祀活動，我反而不是很記得清楚。因為那天晚上發生的那件大事，大得足以把一切的瑣碎都一一蓋過。

那天晚上的八時許，我已經不記得那時的我們為什麼會碰巧打開了電台廣播。

我只記得電台的新聞報導員幽幽的說出了一則叫我目瞪口呆的新聞：巨星張國榮於傍晚時份，在香港文華東方酒店跳樓，自殺身亡。

當時的我，聽罷了新聞以後，根本沒有什麼心情再作什麼聚會下去。我只想待在收音機旁，求證那個叫我半信半疑的巨星死訊。

不過，很有趣的是，我身旁的友人，大多好像一口咬定多半是假的，然後就關掉了收音機，繼續了祭祀。冷靜得就好像什麼也沒有發生過一樣。

當然，我無不對大家的自制能力嘖嘖稱奇；只是，我就是不能跟大家一樣裝作什麼也沒有聽見過，那晚的我都是在發呆中完成了當晚的聚會。

因為身份的關係，我固然明白什麼是「神的國跟神的義」是絕對的比一切都大；但終究那些都是地上的虛無飄渺的大事。

但是，怎麼說也好，我也不過是一個活在當下的怪物，我還是覺得應該跟這個世界「與我常在」。

其實我也不太明白，為什麼這樣的一件小事，會叫我如此的不能磨滅，會叫我如此的扎心。這件事就是不知何故的，老在我心頭揮之不去。大家面對同樣的事情，有不同的反應，我是明白的。

只是，有些時候，大家的反應，我是怎樣也無法認同。

*****

信仰基督的人，時常都說應要「入世，而不屬身」。

2003年4月1日的晚上，我赫然的發現，身為「基督徒」的我們，都很盡忠的盡了「不屬世」的責任。

只是，同時我也驚覺，我們之所以可以「不屬世」，是因為我們連基本的「世(界)」也未曾進入過。

是可笑、也是可悲。

******

花了一個月的時間，終於完成了《與我常在》的連載。

《與我常在》是我09年的年度大作；言而有信的實踐了我自己對自己在年頭所定下了的承諾。

我愛《與我常在》，也為「她」而感到自豪。許《與我常在》最終都不會如我所願的會被搬上舞台；但至少身為創造者的我，總算是盡了努力的為「她」找到了一次展現於人前的機會。

《與我常在》是我這次人生中暫時最完整的一次長篇實驗，也是一場風雨欲來的波瀾壯闊的大冒險的楔子。

因為靳鉄生都跟我一樣，不願把腳步停下。

不論是向前也好，向後也好，我們都沒有什麼要求，只要不是原地踏步，那就可以的了。

就讓我們下一個年度，在月球之上再會吧！

******

最近六次走進電影院，我看了三部外語片，三部港產片。

外語的三齣是《Up》、《Time Travller’s Wife》同《Fame》。

港產的三齣是《竊聽風雲》、《意外》跟《撲克王》。

這三齣港產片中，有著一個很有趣的共通點，就是三齣電影竟然都是由古天樂演的，另有劉青雲也演了兩齣。

這是個很奇怪的現象，也引發了一個很有趣的謎思。

究竟是古天樂太紅？還是香港太少好演員？

******

《撲克王》中笑容對杰少說她只有一個願望想杰少幫她達成的。願望很簡單，只要杰少在每天晚上的淩晨十二時想她一遍就可以了。

坐在銀幕之下的我，也這樣的想。

其實，我的願望也很簡單的。如果你可以在每次走進電影院的時候，都會想我一遍的話，我想，我就會心滿意足的了。

******

人山人海咖啡店內，Indelible眾人正在為今晚的演出作最後的準備。

聰：高醫生，你同阿生點呀？

高：咩呀？生係我嘅病人黎架。

聰：So？咁又點呢？

高：醫生係應該要遵守醫生應該有嘅操守嘅。

聰：係？咁呀？‧‧‧咁不如我同你一個問題丫。你介意唔介意人地成日都覺得你太細個唔夠資格行醫呀？

高：‧‧‧

聰：其實你唔駛答我，你聽我講就得架嘞。其實你介唔介意人地覺得你唔夠資格行醫，我唔知。不過就我知道阿生就一定唔會介意。

生一定會同啲人講，人地點睇係人地嘅事。你有冇資格行醫，只有你自己最清楚。

而且，以我認識嘅你，我亦都唔會覺得，你唔會因為人地介意你的年紀而放棄唔做醫生。

高：So？你究竟想講咩呢？

聰：你咁聰明，我想講咩，你實知嘅。老實講，我對你同阿生會有啲咩，一啲興趣都冇。

高：哈！係？

聰：叫左你唔好暫亂歌柄架啦~

我講真架。我唔希望你地會因為我係你地嘅舊同學，而好似有啲咩好似都要向我交代咁。你地倆個，同咩人一齊，係你地自己嘅事。

我只係知道，如果你地因為一個人嘅過去、或者係因為一啲好無謂、好世俗嘅嘢，而影響到你地呢！我就會睇好唔過眼，一定會出下聲。

仲有呀！阿生個老婆都唔係一個問題黎架。過去嘅記憶係好重要，不過過去嘅記憶都過左去咁耐啦！對於阿生黎講，可以令去佢向前行，比佢沉溺係過去更加有用。

高：‧‧‧

聰：心理學你就叻過我，男女關係呢啲野，哈！點都係我叻啲啲嘅。

生：你兩個傾緊啲咩咁好傾呀？講緊咩呀？講緊我呀？

聰：係呀！梗係講你啦！

生：下話。係呀，你地有冇見過阿豪呀？佢打過比我話會黎架。佢仲話馬仔托佢比啲驚喜我地。

聰：係喎。我之前都聽阿豪提過。佢同馬仔都唔知搞咩，神神秘秘咁。

高：你地講緊果個馬仔，全名係咪咩馬建時呀？

生：係呀。你都識佢架？

高：唔係。只不過果次你比人拉左上差館之後，我過左幾日係報紙上面見到阿豪打贏左一場官司。

聰：正常丫。阿豪而家話晒都係名牌大狀。

高：嗯。不過如果唔係因為保釋阿生果陣見過佢，我諗我都唔會係報紙到留意到呢單新聞。新聞係話阿豪幫一個神秘富豪同政府打贏左一場官司。場官司應該係關於一啲科學研究嘅自主權之類嘅野。

生：神秘富豪？科學研究？政府？聰，開正你果瓣喎。

聰：‧‧‧下話？

豪：生，你講得岩。係同阿聰有好大嘅關係。

田大狀不知從哪裡沒頭沒腦的出現。

豪：馬仔真係有份禮物送比你地。

聰， 今日之後，只要你想，你可以隨時離開你果個一啲都唔鐘意嘅醫務所。馬仔佢旗下新成立左一個獨立嘅科研中心。佢想請你過去幫手。你係果邊可以繼續去做你一直 以黎都做緊嘅遺傳基因嘅研究。我地有充裕嘅資源，亦都最安全嘅環境。我地會保證，你唔需要擔心有任何政府、或者有其他外來勢力嘅影響。你同你嘅家人，我地 都會為你地提供最周全嘅保障。

早兩日高醫生睇到果單官司，就正正係我地為呢間科研中心，可以擁有專心研究科學而不被打擾而打嘅。

聰：咪住先！點解你同馬仔好似咩都知咁嘅？

豪：我都同你講過，雖然呢幾年我地都冇見面，不過你地好多野我地都知得好清楚。

其 實你地唔駛擔心咁多，成件事好簡單，馬仔佢因為做生意搵到個錢，佢又唔想見到一班好朋友，生活得咁唔開心，所以，咪想下辦法，睇下可以點樣幫到大家。大家 去到佢果邊唔係唔駛做有人養架，大家都好努力咁去工作架，我地都只不過，係想為大家提供一個理想嘅工作環境。至於，之前做咩唔講，絕對係因為時間未成熟架 渣。

聰：但係聽落都仲係好奇奇怪怪咁。

豪：放心啦！識左成廿幾年嘞！人生有幾多個廿幾年丫！做咩要呃啲好兄弟啫！仲有呀，生！預埋你一份架嘞！只要你想，你好快就可以潛番水。

生：我睇阿聰頭。佢去邊、我去邊囉。

豪：聰！黎啦！唔好諗咁多，冇問題嘅！落去搵位坐啦！阿生佢地夠鐘表演架嘞！

生：嗯。生，good show！

高：Good show！

三人轉身，準備去找個好位置看生的演出。

生：敏！

高：嗯？

生：送樣野比你。

高：咩黎架？

生：咖啡機用嘅filter。

高：係？呢款好特別架？

生：唔係。就係一啲都唔特別。

高：咁你做咩送比我呀？驚我唔識買呀？

生：唔係。

高：嗯？

生：即係呢‧‧‧呢個世界有啲野，係，係好普通；不過，你又會發現，冇左佢唔得。即係咁，就算你有再好嘅咖啡都好，不過，你冇左個filter，個杯咖啡都會變得唔多好飲。所以，filter係好普通、同好唔起眼，不過係沖咖啡嘅過程入面，就好緊要。

生不知何故的，把剛剛的話，說得有點妞妮，說得有點腼腆。然後，他用很小的聲音，說了下面的一句話：

生：我都一樣。

高：下？

生：‧‧‧

高：你可唔可以講多次呀？我‧‧‧想聽多一次。

生：我‧‧‧都一樣。

呢個世界上面，有啲人，係會成日都沉溺左係以往嘅記憶入面。我諗，我一直以黎都係果一種人。我知道，只係停留係過去，係好唔健康。不過，換一個方法去諗，冇過去嘅記憶就冇今日嘅我。所以，我好珍惜，我以往有過嘅記憶。不過，我知道，係時候，我要去放低一啲野。停夠嘞，我係時候要向前行。

我好想要向前行。

高：回憶係可以製造，你活在當下架嘛！你每一刻其實都係製造緊過去、製造緊回憶。或者第日，你會有啲回憶係比以前果啲更好嘅呢！You never try，you never know 嘛。

生：嗯。所以我好想向前行，我好想試下‧‧‧

生忽然間有一刻說不出話來，或者說，忽然間有一刻，他不知道應該怎麼說。

高：好呀！既然有咁多filter，咁咪可以試多啲唔同種類嘅咖啡囉？仲有果啲同咖啡有關嘅故仔，你知咁多，你可以講多啲比我知丫。

生：好多架喎，有排講架。

高：咁你送多啲filter比我囉。

生：放心，我會直接去搵批發商攞貨。

高：就快表演嘞。你快啲去預備啦！

生：敏。

高：嗯？

生：可唔可以攬一下？

高：好呀。

二人緊緊的相擁。

生：你答應我丫，唔好死。

高：唔會嘅。唔會嘅。

聰在遠處高高的舉起了他右手的姆指。

然後，Indelible在人山人海咖啡店內，奏起了過一首歌：

******

傅葉謝鄧醫務所。

生：我地細個一齊做得最多嘅係咩呀？

聰：踢波囉。

生：你記唔記得，我地細幾唔夠打都好，我地都唔會認輸架？

聰：嗯。So？

生：So！Now！你即刻同我入去！Go to fight back for you life！

聰：哈！死八公丫！我既野關你鬼事咩？

生：收聲啦！對住我就咁多野講。有種就入去同佢地講。

叮！世界重量級拳王挑戰賽，Round 1！Fight！

******

聰：唏！Come on！Listen up！

下 次！如果再有啲咩事發生，再有啲咩法律問題，我唔理醫務所會有啲咩損失，我只係知道你地點都要企我果邊。花紅你地就識分，野你地就唔Q做。呢間醫務所我至 係最大份架！所有野都係我撐起咁濟，你估我家下好想做婦科呀？我做研究架！我係科學家黎架。我都唔想日日對住啲古靈精怪嘅師奶呀！如果唔係我要養我老婆同 個女？如果唔係我唔要我老婆再擔驚受怕？我駛坐係度睇你地面色？

謝：你太衝動嘞！有啲咩，你冷靜啲我地再傾。

聰：一。 我而家一啲都唔衝動。二。我亦都非常之冷靜。如果我唔冷靜嘅話，我晨早就開拖打左你。三。我今日同你地講呢啲野，原因好簡單，我無非覺得係時侯教下你地點 樣分莊閒。一直以黎我都係莊，我唔出聲只係我唔想大家做野做得好唔開心。但係你地要記住，只要我想，我隨時都可以執左間醫務所，我係一啲都唔介意一拍兩 散。

今日我要講嘅野係咁多。下次有咩我地股東大會果陣再講過。

聰充滿自信的轉身離開。以勝利的姿勢，高舉雙手走到生的跟前。

聰：Yoho！！！

生：Yo！叮！叮！叮！我地嘅新任世界重量級拳王係‧‧‧傅‧‧‧聰！

生興奮的哼起了電影《Rocky》的主題曲。

聰：味咁快興奮住！我仲有一個Round未打。

******

聰別過了生，然後就帶著新任世界重量級拳王嘅心情回家。

聰：我去洗個面。

儀：我今晚有煮飯。你咁夜去左邊？又係同左阿生去玩？

聰：今日阿生上庭。老婆呀？唔好嬲啦。

儀：嗯。我冇嬲。至少你都仲會返屋企。

聰：我明。我明我近排係少左時間係屋企，我呢排係成日同左阿生出去。不過，阿生佢真係好需要人幫。你唔好嬲啦！你知架！我平時都好少係咁啦。依！你唔好妒忌阿生啦~~

儀：你真係咁諗呀，老公？我唔覺得係我妒忌佢呀，妒忌佢果個係你呀！

聰：嗯？

儀：你妒忌佢自由過你。

聰：嗯？

儀：你之前冇周圍去玩，唔係你唔想，係冇人陪你咁做。你嘅好朋友一係去左外國、一係就失左蹤。研究所件事之後，我地呢大半年先至叫左安定左落黎。老公，呢幾年黎，你根本就冇咩朋友。所以，撞番阿生；係，你係一心咁想幫佢；其實，你‧都‧係‧幫‧緊‧你‧自‧己。

聰：咩啫？唓！我仲有醫務所啲同事嘛！

儀：聰~你醫務所果啲合伙人，佢地真係當你係朋友咩？如果佢地當你係朋友，你比人告咁大件事，佢地就唔會唔幫你啦。

聰：‧‧‧老婆，你打過電話比趙姑娘呀？

儀：係。咁你咩都唔肯同我講嘛！咁我搵唔到你，我都要搵個人問下架？Right？

聰：嗯。係。你岩。Sorry。

儀：唔駛sorry。好多野你唔講我都明。我都唔想你陪我一齊上高溫瑜珈，我都唔想你成日都剩係得醫務所同埋屋企。但係我可以點做呢？我可以做嘅就只係搵啲野比你同我一齊都可以做下、學下、消磨下時間，等你唔駛咁慘、咁悶，又唔駛成日一無聊就諗起你啲以前研究所果啲日子。

聰：我應承你唔再做研究啦！

儀：你得咩？我唔係唔想你再做研究，只係你做果啲研究風險太大、牽連大廣，我諗世界上冇一個女人，係想過啲擔驚受怕嘅日子。仲有呀，我唔擔心有咩狂風浪蝶送埋上門，我只係擔心唔想你有咩事。我都唔想個女冇左個老豆。如果你搵到方法可以好安全咁做你嘅研究，你返番去做啦。

聰：點呀你！懶偉大咁，咁好，作死呀？

儀：係？你真係覺得我好咩？咁究竟係我好啲、定送上門果啲好啲呀？

聰：梗係你啦！你咁靚、又咁偉大，我仲點捨得唔要你丫！

儀：吓話？趙姑娘話果位小姐好索、而且有啲地方都好偉大下架喎！

聰：得！我聽日返工第一時間會炒左趙姑娘佢。

儀：咁又唔好。炒左佢，你係醫務所仲有邊個會幫你呢？你幾時變得咁忠奸不分架？

聰：係啦！係啦！最叻係你嘞。老婆，你真係抵錫。多謝你呀。

儀：記住呀，有啲咩事，搵‧個‧人‧講‧下‧會好啲架。咩都收收埋埋，自己一個人去諗冇用架。

聰：嗯。

儀：咁借問聲，你仲食唔食得落飯呢？

聰：食得落！點解食唔落呀？

儀：點知你係咪同出面啲女人食飽至番呀！哈！

聰：唏！為左你‧‧‧啲飯，幾飽都照食啦！係呢？你今晚煮左咩呀？

儀：白汁牛油果煙三文魚意粉。

聰：白汁牛油果煙三文魚意粉！

儀：嗯？

聰：冇！聽落就知一流啦！

儀：你等一陣，整番熱就好快有得食。係呢？佢究竟有幾偉大呢？

聰：哈！老婆你偉大啲！

******

法：你地有冇搞錯呀！？你！控方律師！

控：法官大人，我係K.C.Wong。

法：你究竟知唔知你自己做緊啲咩？

控：唔係呀！法官大人，其實我想講嘅係‧‧‧

法：我好想問大家，究竟你地都知唔知自己做緊啲咩？我地係咪真係好想要判呢個受過左啲咁重傷害嘅男人，下半生都喺精神病院度渡過呢？

控：法官大人！佢用支槍‧‧‧

法：SHUT UP！

控：法官大人！

法：英文你聽唔明，我用中文同你講多一次：收聲。呢單case你冇咩運行。所有野對你黎講都好不利，我對你用果一啲所謂嘅手段非常之咁反感。So，i think you better Shut up！

至於林生、林太，我誋我地而家坐係度，係處理緊一件好嚴肅嘅事情，係關乎到一個男人嘅下半生嘅。而且，果一個男人某程度上點計都好，佢都係你地嘅一個親人。

果一個男人，係軍方嘅潛水員。佢有份參與「57事件」嘅搜救行動。單係佢同佢嘅小隊，就差不多救出左廿人。不過，好不幸嘅係，佢偏偏救唔到佢太太。佢仲要眼白白咁睇住佢太太葬身大海。我相信面對咁樣嘅事情，任一個人再堅強都好，都唔係一件容易面對嘅事情。

係。佢係可能應該要接受冶療，但係從另一方面去睇，佢可能只係真係好似高醫生咁講，需要自己去摸索佢自己嘅出路。佢最需要嘅未必一定係冶療，佢最需要嘅可能有只係，有人同佢行呢一段對佢黎講行得好艱難嘅路。

冇錯。你倆位係法律上面，的而且確係靳鉄生，喺呢個世界上剩番嘅親人。所以，你地係呢件事上面嘅決定，係會對靳鉄生嘅未來造成非常之深還嘅影響。

所 以，我想請倆位番去用呢個週末，好好咁去諗清楚、好好咁用心咁去切身處地諗下，如果你地真係在意個囡嘅感受嘅話，面對咁樣嘅狀況，你地要做一個點樣嘅決定 至會令到你地個囡會開心呢？我想你地下一個星期一，再番黎再庭嘅時候，親口話比我知，佢會唔會都好似你地一樣，會想將佢愛嘅人送去精神病院度過佢嘅下半生 呢？

我喺度賦予你地呢個權利．．．

就在此時，法官房間的門，在毫無預示之下猛然的被打開，靳鉄生走了進來。本該是陪伴著她的高醫生，也跟了進來。

高：法官大人，對唔住呀。阿生佢冇心架。

看著生如此冒失的闖進來，法官的臉上沒有一點兒的不悅，相反的跟高敏做了一個「可以了，什麼也不用說的手勢」。

生：你知唔知，每一晚我都會發同一個夢。每一晚我都會夢到自己係機場，係機場不停咁走，不停咁走去四十六號閘。每一次當我走過四十六號閘，當我以為轉個彎就可以上飛機嘅時侯，忽然我發覺，原來我又翻番去我頭先開始跑果一度。又繼續咁係度走緊，趕去上機。每一晚我都唔知走左幾多、幾多次，係咁走，係咁走。我唔敢停，我唔敢唔走。因為我唔知道，邊一次轉彎會我真係會有機會上到機。

要記住一個人，係唔駛攞張相日日夜夜咁望住就有用，我所有美好嘅記憶，就係晒呢度。我要見佢，好容易。只要我行出街就得。喺街上面，我一定會見到佢。因為，喺街上面，我見到嘅人，都係佢個黎架。佢每一日都係我身邊。佢每一日都係度。

我好明白你地有幾傷心，有幾難過。但係，至少你地都仲有大家丫。

要記住一個人，係唔需要話比人知我記住左架。好多野，自已知就夠。

高醫生、阿聰，我好肚餓，不如去食野丫？

聰、高：好呀！

說罷，生就轉身離開。然後，他好像忽爾的想起了什麼似的，他轉身拍了拍他岳父的肩膊，再親了他岳母的臉頰一下。他的岳父、岳母都覺得難以置信。

生：問你地一啲野丫？你地覺得人生有咩係最可怕？

高：嗯‧‧‧‧‧‧發惡夢。

生：係？咁你要搵個心理醫生睇下。

聰：咪住！又係你果啲IQ題黎架？

生搖了搖頭。

生：人生最可怕嘅唔係咩都唔記得；人生最可怕嘅係，你發現原來咩，你都記得一清二楚。

黎！叔叔帶你去黎個絕地大反撃。

聰：唔係去食野咩？

生：反完擊，再去食。敏，你頂得肚餓架呵？

高：‧‧‧

聰：‧‧‧

高：頂‧‧‧頂得。

聰：都話左你係咸濕仔架啦。

******

西區法院的門外。

豪：生！ 今日呢場聽證會嘅目的係好簡單，因為你之前做錯左一啲嘢，但係我地覺得未至於要你坐監，喺呢方面控方亦都非常之明白，佢地亦都唔想搞大件事；但係佢地又唔 想你唔需要為呢件事而冇需要負任何責，所以佢地打算想送你入醫院，然後將你喺佢地嘅監管下接受一年嘅冶療。當然，我同高醫生好詳細咁傾過，我地都認為你唔需要受佢地嘅監管；不過，控方果邊有醫院撐腰，而且佢地請左林老先生同林老太太-即係你外父、外母出庭。所以，情況會有啲唔樂觀。

生：阿爸、阿媽？

豪：不過，唔駛擔心，你啲親人唔撐你唔緊要；至少，你仲有我地。我地係唔會比人送你入醫院嘅。總之一陣聽證會嘅時候你唔好太激動，大部份嘅嘢留番比我講咁就得架嘞。OK？

生：嗯。

******

聽證會。

控：醫院嘅綜合評估係點架？

醫：經過左三日嘅評估，我地認為靳鉄生先生係患有嚴重嘅「後災難壓力症侯群」，同時有產生幻覺嘅傾向。而且，未必能喺日常嘅生活當中，可以好似正常人咁過正常嘅生活。

控：咁你係咪認為如果安排靳鉄生先生，入醫院療養一年，對佢黎講係最好的冶療方法？

醫：係。我係咁認為。

******

高：法官大人，我個人非常之唔同意院方訓斷嘅結果。

我個人認為，阿生佢係要佢自己去摸索一條佢自己嘅出路。唔係我認為係岩嘅方法，亦唔係用大家自己認為係岩嘅方法，而係用佢自己嘅方法。我好明白，我地每一個人都有自己認為係岩嘅方法，我地每一個人都鐘意將自己嘅想法套用係別人身上。

我諗，在坐嘅每一位，都係關心阿生嘅人。大家都係想阿生好，至少，大家都認為自己做緊嘅野係對阿生好。但係其實，究竟咩先係真正對佢好呢？會唔會其實，我地每一個人都可能係度唔覺意咁傷害緊佢呢？

點解我地一定要用我地認定嘅界線去界定，阿生佢係咪已經可以係佢之前嘅經歷入面走番出黎呢？邊個話有嚴重傷痛記憶嘅人，一定要放低晒所有唔開心嘅事情，至可以重新咁活過呢？有好多野，只要我地適切咁處理，悲傷嘅記憶，都可以轉化成為我地生活嘅其中一種動力。

控：高醫生。我可唔可以問你一啲關於你對冶療呢一種長期疾病嘅經驗呢？其實應該講，我好好奇，你今年貴庚呢？

辯：Objection！我認為高醫生幾多歲同本案無關。

控：反對！我認為呢個係一個好緊要嘅問題，同本案係非常咁有關係。

生：No！Come on！This is not a good question 啦！未訓醒呀？清醒啲啦！

法：靳先生。

生：法官大人，講真，如果要真係同年紀有關係，咁呢個人點先？佢同我平時係機鋪見到果啲o靚仔有咩分別啫？我點信佢係控方律師呀？

法：高醫生。你冇必要回答控方律師嘅呢個問題。

控方律師，請你詳細考慮一下你的問題至發問。

******

父：自從出事果日開始，佢基本上就唔肯再同我地再有任何嘅聯絡；唔接我地電話，有心咁去避開我地。佢咁樣嘅反應，對我同我太太黎講，係另一個好大嘅打擊。冇左個囡我地都已經好傷心，而家佢又唔理我地。我地都好擔心佢，好擔心佢會去做啲自毀嘅野。

控：林先生，你可唔可以同我地講下你最後一次同靳鉄生先生見面嘅經過呢？

父：果一次，我地係諗住同阿生佢傾下用邊一張相放係阿囡墳場果個石碑果度。我都知道要處理呢啲咁嘅事係一啲都唔易，但係，佢係我個囡個老公，我地真係好希望佢都可以同我地一齊去揀。

控：咁你仲記唔記得，係你比啲相阿靳生揀嘅時候，佢有啲咩反應？

父：阿生佢發左場好大嘅脾氣，佢幾乎打爛晒佢屋企啲野，連我地喺阿囡十三歲嘅果陣，我地送比佢果個好有紀念價值嘅小提琴，佢都打爛埋；連我太太都差啲比佢整親。

生：come on，都不過係一個小提琴啫。

母：咩只係一個小提琴呀？個小提琴係阿囡佢第一次演出嘅時候用黎表演嘅小提琴！咁多年黎阿囡佢都好鐘意、好珍惜呢個小提琴，對於佢黎講係「寶」黎架、係好有紀念價值架！

你唔珍惜啫！都唔係要咁打爛佢架嘛？你有冇心肝架？

法官用他的鎚子在檯上鏗鏘有力的敲打了三下，給人一種很攝人且公正嚴明的感覺。儼如神一樣。

法：Quite！兩位，第一次警告。林太，唔該你坐番低。

母：法官大人，佢係知道我個囡好重視果個小提琴架‧‧‧

法：Sit Down！控方律師，繼續。

控：林生，當日你想比阿靳生揀果幾張相，你有冇帶係身上？

父：有。果幾張相我成日都放係我銀包果度。

控：我手頭上都有幾張相嘅影印放大本，我想請你睇下呢幾張係咪就係你銀包入面果幾張相？

父：係，係，係，就係呢幾張。

控：可唔可以話比我地咁多位知，相入面果個係邊個黎架？

父：相入面果個係我個女，林清楓。

控：咁呢張呢？呢張相入面林小姐抱住果個好可愛嘅細路仔又係邊個黎架？

父：佢係阿楓同阿生隔離屋個女黎，佢叫阿瞳，佢兩人個都好鍚佢。

主控官把相片拿起，由左至右的把相片展示給法廳上的每一個角落，好讓在場的每‧一‧個‧都可以很清‧清‧楚‧楚‧的看得見。

父：佢地兩個同隔離屋好玩得埋，同埋因為佢地兩個都好鐘意細路仔嘅關係，佢地好鐘意帶阿瞳出去玩，又成買好多小禮物比去氹佢架。阿生仲話，如果第日果肚個BB可以好似阿瞳咁乖、咁得意就好嘞。佢地仲講好左第日佢地個BB出世之後，一定要同兩個小朋友上契添。

生從他的口袋中拿出了他的ipod，把耳機帶上。

控：咁呢張呢？

父：呢張係佢地嘅結婚相。

控：係？點解結婚相冇著婚女紗嘅？同埋佢地結婚果陣好似好冷清喎，冇咩親朋戚友係度嘅？

父：因為個衰仔，同我個女走左去第二度秘密結婚唔話比我地知囉。

控：係？佢地秘密結婚唔想鋪張比咁多人知都唔係好出奇，但係點解佢地連你兩老都唔通知呀？話晒都係爸爸、媽媽嘛！

父：梗係唔話知啦！因為我地一直都反對佢倆個一齊架嘛。佢梗係唔話比我地知啦。

控：係？睇相佢倆個都幾登對呀？點解係唔支持佢地係埋一齊呀？

生把ipod的聲量加大。

父：個衰仔以前個底好花，好多女朋友，冇一個拍得長。仲有，佢份工，朝唔搵得晚，危險又冇保障，開工唔足又冇前途，我都唔明我個女咁高質數，大把選擇，做咩要跟住佢？

唉，不過算啦。咩都過左去嘞。比我揀，我寧願由佢兩個結婚，個囡想點都做咩都得，我只係想佢仲係度，我只係想佢仲可以係我身邊。

控：睇黎你好掛住你個囡喎？

父：梗係啦！我每一日無時無刻都咁掛住佢。我諗我呢一世都會咁掛住佢。

母：我只係唔明點解有啲人可以咁忍心、好似咩都唔想記得咁。

Ipod的聲量被較得不能再大。生唯有用雙手掩耳，試圖與世界的聯繫割斷。

控：唔該。法官大人，我冇野問。

控方律師沒有再說什麼，只是徑自的把他手中的相片，放到了阿生的檯上。

生發呆的看了相片片刻，然後失控的大叫了起來。

法：靳先生！

豪：反對！法官大人。你點可以容許控方咁做架？

聰：法官大人。你點可以容許控方咁做架？

生似乎沒有任何停下來的跡象。

法：庭警！帶靳先生出去冷靜一下。退庭！雙方律師、林生、林太，留低。

******

警察局內。

生跟高敏坐立不安的等待著為生保釋。

二人不停的向在場的警員詢問，但始終都沒有任何消息。

正當傅聰想打電話找朋友幫助的時候，他們看見生與一個警官跟一個西裝畢挺的男人從一間房間中出來。

豪：黃sir，啲保釋金我搞掂晒，咁我可以同我當時人離開？

黃：嗯。都係果句啦，田大狀。叫你當時人唔好出境，十日後準時番黎報到。

豪：冇問題。麻煩晒你，黃sir！係呢，你好似就快升職喎！

黃：冇咁快。見左board都未有消息。

豪：哦。而家咪有消息囉。黃沙展！

穿西裝的男人帶點誇張的向黃警官敬禮。

黃：咪玩我啦！田大狀！

豪：Ok。唔玩。不過，你唔係唔知我收風叻架啦。等收升職信啦。沙展！

黃：我唔同你講笑。我帶你當時人去搞埋啲手續。

聰：豪？

豪：嗯。我係受馬建時先生委托，做阿生嘅代表律師嘅。

聰：馬建時？馬仔？佢委托你黎幫保釋阿生？佢點知阿生比人拉左架？搞咩呀？點解我呢排可以一次過見番晒我啲舊同學嘅？

豪：其實馬生同我都一直留意你地嘅消息。所以馬生一知道阿生出左事，佢即時叫我黎睇下有咩可以幫到手。

聰：一直都有留意我地嘅消息？

豪：係。馬生知阿生屋企人係「57事年」入面出左事；佢亦都知你之前研究所同政府果邊出過問題。

聰：我研究所件事你地都知？我同你都係講緊同一個馬仔？

豪：梗係啦！你有幾多個舊同學叫馬建時呀？佢仲叫我搞掂左阿生件事之後，送份禮物比你添。

聰：禮物？咩禮物呀？

豪：留啲神秘感好。適當時候再話比你知。

聰：咁阿生而家點呀？

豪：我同警方果邊傾左架嘞，佢地會撤銷阿生嘅刑事指控。

高：咁都好啲。

豪：呢位係？

聰：呢位係高敏，高醫師。佢係阿生嘅心理醫生。

豪：心理醫生。好丫，到時出庭可以作份心理報告，有份心理報告，個官會易入信啲。

高：作？點解要作呀？

豪：一時口快快講錯啫。係呢？你個牌攞左幾多年？

高：三年幾。

豪：嗯。 見你咁後生都知架嘞。個牌耐啲會好啲。入信啲。不過anyway啦，件事而家係咁：政府插左手，佢地唔想件事鬧得咁大，話晒係「57事年」入面，阿生都係 半個悲劇英雄。而且之後，佢至少都係過傳媒追訪過嘅對象。一個「57事年」嘅悲劇英雄人物當街用槍指住警察，又比警察當街制服，點講都唔係咁好聽。所以， 我地轉左另一種方法、另一個途徑去做。我安排左阿生去雅咸醫院度做一個為期三日嘅精神分析評估。

聰：雅咸係精神病院喎！你當阿生有精神病呀？

豪：Hey，relax。都市人，有邊個冇丫？

高：都合理嘅。呢個係一個標準嘅程序。

豪：另一種講法啦，呢個係當下我地唯一嘅選擇。

聰：咁點都好過坐監嘅。

高：係呢？保釋果方面，我地要準備幾多錢？

豪：錢果方面你地唔駛擔心，我搞掂左架嘞。總之呢件事牽涉幾多嘅金錢都好，馬生佢會全部負擔。

聰：咁點得架？生係大家嘅朋友嘛，點可以叫馬仔一個人孭晒呀？

豪：嗯。我諗有好多野你都唔係好清楚，不過適當嘅時候我會一次過話晒比你知。不過真係唔駛擔心，亦都唔駛覺得唔好意思，少少錢對於馬生黎講係非常之少嘅事。

阿生出黎嘞！你同佢傾傾先啦。

聰：嗯。

黃sir把剛完成了保釋手續的生釋放。

生的神情有點呆滯 ，徑自的在警局按的接待室的一張沙化坐下，長長的嘆了一口氣。聰在他的身邊坐下。

聰：You ok？

生：之後會點呀？

高：聽日開始佢地會同你去做一個為期三日嘅精神評估。你唔駛太過擔心，點都好，我同聰都會陪你一齊去。

聰：嗯。過左就冇事架嘞。過得到就冇事架嘞。

生，對唔住。我係唔應該迫得你。我本來只係想‧‧‧你會好番。

對唔住。

******

聰：嗨！生！高醫生！咩咁快完嗱？我約左生今晚食飯呀！你一唔一齊呀？生，你唔介意架呵？

生站在門檻之下，不是面向著聰，也沒有看著高敏，他只面向著門框，位置剛好就在二人中間。

生：我本來都可以好似你咁，有一個囡。如果咩事都冇發生過的話，佢而家應該兩歲。

名我地都改好左，叫靳心悠。個世界太快、太古怪嘞，如果心悠和一啲嘅話，我諗應該可以活得開心一啲、容易一啲。

果陣，佢已經有左七個月，個肚好似個籃球咁大。 每一晚，我都會開音樂比BB聽，佢都幾鐘意古 典音樂、Bossa Nova都Ok。不過，似乎佢嘅口味都同我一樣，最鐘意都係Jazz。每一晚我都會播一次 Bill evans嘅《Converstaion to myself》，每一次，我一播，佢就話BB會係佢個肚入面，係度好開心咁郁。

而 我呢，我就好鐘意擺我隻耳喺佢個肚度，BB係佢個肚入面啲聲好得意，我聽到有兩種心跳聲，一種大啲，另一種細啲，好細聲、好細聲。不過如果你留心聽，你就 會聴得好清 楚。一度聽，我就好似都返左返去我未出世果陣咁，個種感覺好安靜，亦都好安全。我好鐘意呢種感覺，因 為係果一度，我可以咩都唔駛驚，因為果度就係世界上最安全、最安全嘅地方。

女人真係一種好神奇嘅生命，你做一個男人，你係點樣都唔會明，一個人點可以係自己個肚入面收埋另一個 生命？所以，我真係覺得佢好偉大，每一次我望住佢，我都會好想喊，因為我知道喺呢個世界上，除左佢之 外，唔會再有人會為左犧牲左咁多。

你知啦，你知我以前份人係幾咁唔定性，你有幾可見我停過落黎丫，我以前根本就冇一段關係超過半年。仲有，我份工呀，職業潛水員，份工係搵啲呀，不過就日日都係搵命搵，我又冇車、我又冇樓，咁嘅身世，我都唔明，佢點解會嫁比我。

聰：你仲好講呀，結婚都唔話我地知。

生：你 知唔知呀？我地喺埋一齊真係一啲都唔容易，佢老豆好唔鐘意我，覺得我好冇出息，好反對我地喺埋一齊。佢成日都覺得，個女咁好條件，係好應該嫁比個才俊、應 該門當戶對，唔應該跟我。個世界就係咁，每個人都好覺得自己果套價值觀係岩嘅，每一個人都以為自己係太陽，成個世界都係圍住自己係度公轉。

佢 好靚，佢頭髮唔係好長，有一對好黑、好靚、好大嘅眼睛。我鐘意佢笑。睇住佢笑，我會好滿足；睇住佢笑，就算下一刻就係世界未日我都覺得冇咩所謂。我岩岩識 佢果陣，我好怕比佢眼定定咁望我，每一次比佢望住，我就會好唔自然。可能因為我總係覺得好似會比佢睇穿咁，無論我點樣去掩飾，都冇用。

我 之前成日都同自己講，如果可以搵到一個女人，唔介意我係咩人，肯為左我唔理其他人點諗，我一定會即刻停落黎，愛呢一個女人一世。係，我咁講係好似好自私， 不過就算全世界都唔明都好，佢一個人明，就夠嘞！我地結婚，冇擺酒、冇婚紗，冇通知朋友、連佢屋企人都唔知，因為我地都知道佢老豆一定會唔比。所以我地決 定左唔比人知。我知佢自細就好想喺教堂度行禮，所以我呃佢帶佢去斐濟，話去果度度假。然後我暗地裡請左一個我識左好耐嘅牧師都過埋去，然後帶佢去果個小島 上一間好細嘅教堂度行禮。我欠佢嘅、或者應該話佢為左我犧牲左太多。我可以做嘅，就係盡可能去完成佢嘅心願。

******

生家中的電視機播著的是一個新聞節目，內容都是關於「五七事件」的災後報導。這是個錄影了的新聞節目，這盒錄影帶早就被生看了很多、太多遍。

生坐在沙發上呆呆的看著，好像忽爾的想起了什麼似的，在家中翻箱倒篋的尋找著什麼。最後，他在一個紙盒中，找到了一件用白色的布包著的東西。

把白布打開，裡面的是一把「密林點三八」手槍。

他很仔細的檢查著手槍，最後檢查了手槍的彈夾，把裡面的子彈都一拼倒出。

然後，穿起了外套，把手槍放進了外套的口袋，開門、離家。

******

生：佢 講左好耐話要坐郵輪去旅行，佢未有BB之前成日叫我同佢去我都冇去到，有左BB之後，我同佢講唔好去啦，等佢生左BB之後我地先至一家三口一齊去。佢硬係 唔聽，自己走左去訂飛。偏偏好衰唔衰，出發果日係我要做潛水員年檢果一日。年檢唔可以唔做，因為牽涉到下一年可唔可以續牌，可唔可以繼續潛水。係，我份工 係冇咩出路，又冇咩前途，不過，短期內我又未有轉工嘅打算，就算有，我都未諗到我自己唔潛水我可以做啲咩。

不過，好彩嘅係，雖然年檢時間冇得改，但係我地去果一個郵輪假期，係有好多站嘅。所以，最後我選擇左去遲一日去同佢會合。唯一嘅代價就係要買多張機票，第二日飛去下一站。

今年嘅年檢唔係喺海度做，改左做洞穴潛水，間唔中有一年佢地都會咁做，因為同時間可以改善下潛水人係唔同環境下嘅應變能力。

果 一日係五月七日，我落水嘅時間係下午兩點十五分。兩個人一組咁潛，潛左冇幾耐，我諗應該過左十分鐘左右，突然間我地潛落去果個洞，忽然湧出左好多泥沙。我 地都係職業潛水員，好少可咁唔小心，牽起咁多泥沙，因為如果喺水入面， 牽起咁多泥沙，我地冇左視野，而且如果其中一個人驚，好容易會兩個人都會冇命。

不過，果日啲泥沙黎得唔係好尋常，而且好似無止盡咁，以我咁年嘅經驗，我唔知道發生左咩事，不過我知道我面對緊嘅係一個好危險嘅狀況，我即刻用電筒通知我背後的隊友徹退。

好 彩我地唔係潛得好深，所以我地免卻左要做減壓程序。沿導引繩出番水面，我地好驚訝咁見到，洞邊所有人都好慌張，大部份啲器材都跌到一地都係，未出水面，就 有人話比我地知岩岩發生左一次好大規模嘅大地震。在埸有人用電腦即時上左一個軍用氣像網頁，證實左係一次你同我都知道，強度達八級嘅毀滅性大地震。而震 央，離阿楓上船果個港口只係有四百公里。

一出水面，我即刻上網查左一個軍用衛星圖，因為係軍用衛星嘅關係，所以可以zoom得好近、好清楚。我見到阿楓上船果個碼頭‧‧‧有一架郵輪，同另一架船黐埋左一齊，而果架郵輪，船頭呈四十五度角向上。

******

夜深的街上，很清淨，人不太多。除了那間廿四小時都營業的便利店以外，街上最活躍的就只有那些永遠都供過於求的計程車而已。

便利店在城市中總是以一種很疏離的形態活著，有點像冗長的公路中的驛站、也有點像妓院。每一個人到來，各取所需，然後付款離開。當然，只要你付得起錢的話，便利店差點兒是真的可以滿足你大多的要求。

因此，每天晚上，城市中都有不少一夜無眠的人，來到便利店去尋自己的快樂。

今天晚上的便利店，依舊沒有太多的嫖客，就只有兩個每天都在同一個時份都會巡邏到這兒的巡邏警員，跟時常都失眠的生。

生在便利店中挑選了一瓶廉價的紅酒。付了款、然後隨手將紅酒打開，在街上邊走邊喝。

也許是酒精刺激的關係，生步伐蹣跚的在街上跌跌碰碰。

最後，他在一個十字路口，撞到了一個兇神惡煞、身形高大的男子。

男：喂！死酒鬼！你撞到我呀！

生：咁又點呀？

男：點？叫你小心啲呀！飲到咁，因住飲死你呀！你咪係面前嘔添呀！如果唔係我就一拳打死你呀。

生：哈！一拳打死我？哈！哈！哈！你係打得死我至好。

男：死酒鬼！躝埋一二邊啦！打你我都嫌手臭啦！阻頭阻勢！

男人也不太想惹事，既然拿了個彩，說罷轉頭便走。

生：你話打得死我架！黎呀！打呀！走咩呀走？你話打得死我架！打呀！

生從大衣的口袋裡拿出了他那把「密林點三八」手槍。

******

生：我借左架車，趕左去機場，沿路我一路打比航空公司，查到最快果班機，係個半鐘頭之後起飛。亦即係我要喺短短四十分鐘之內，喺航空公司櫃位收之前趕到機場。

結果我用左四十分鐘，走左一百一十二公里，岩岩係櫃位收之前，我用左最貴嘅價錢買左一張直飛港口的機票。

之後，係點我喺機場係點我已經唔記得好清楚，我只係記得我不停咁走、不停咁走，睇住一式一樣嘅登機閘，我以為我會永世都走唔到去46號閘。唔知係我好彩，定係天意，我又再一次係飛機臨起飛前趕到去。

上 到飛機，我個腦就好似比人硬生生咁攞左出黎一樣，一片空白，咩都諗唔到。我諗我面色一定係好難睇，有個空姐走左埋黎，問我係咪有啲咩唔舒服。我冇答到佢， 我咩都唔識答，我就只係識係度搖頭，跟住佢行開左，攞左杯水比我，然後同我講：「我地都喺地震嘅僥存者，要好好咁珍惜、同好好咁努力活下去呀！」之後佢同 我笑左一笑，就行開左。

個情境好熟悉，唔知係我潛意識嘅投射，定係佢同阿楓真係好似。不過，我知道佢唔係阿楓，佢係可能同阿楓好似，不過佢唔係佢。佢係僥存者，佢仲可以同安慰我，同我笑，而我果個阿楓，佢就困左喺一架就離要沉嘅郵輪入面，困左喺一個未知嘅角落果度，等緊我去救佢。

最 後，我趕到去港口，已經係大地震發生左之後嘅十五個鐘頭之後。因為機場大混亂、公路震斷左。沿頭見到好多樓房都倒塌左，有好多人呼天叫地咁係度搵人，天空 見唔到太陽，因為成個城市都比珁爍嘅灰塵濃罩住，有好多救援人員救緊人，街上面同時又有好多屍體。我唔知道真正嘅世界未日會點，我只係知道，世界未日同果 一日我見到嘅唔會相差得太遠。因為果一日我見到嘅，根本就係一個人間地獄。

你冇見過你根本唔會知係點。

傅聰聽著，彷彿也沉入了某個往事之內，想得出神。

聰：我知‧‧‧我知係點。地獄我都見過。

生：去到現場，有一個以前係我嘅一個下屬升左官，做左果一次拯救行動嘅指揮官。佢欠我一份人情，因為佢條命係我幫佢執番嘅，所以佢力排眾議比左我參與左拯救，不過條件係我一定要以我嘅專業操手，公平盡責咁去拯救每一條人命。

到我著好晒所有裝備，時間已經係過左大地震嘅十八個鐘，我地都知道，我地而家可以做嘅就係同時間競賽。除左因為時間愈耐，船入面嘅可以比人生存嘅環境會愈來愈少之外，我地亦都唔知道幾時會有餘震發生。單從結構上黎睇，只要再有輕微嘅餘震，整架郵輪就一定會即刻沉沒。

頭三個鐘我地好成功咁救出左十二個人，clear左太約四份一首船，但係我一直見冇見到阿楓嘅下落。

直 至到去到餐廳嘅部份，我地忽然間感覺到，船身有下沉嘅跡象，我地都知道拯救行動唔可以維持得幾耐。就當我係度嘗試緊將餐廳被果度比雜物頂死左嘅大門打開嘅 時候，我見到‧‧‧我見到餐廳大門圓形嘅窗框‧‧‧有一隻女人嘅手。手指好修長，塗左粉紅色嘅指甲油。啲指甲油係我之前果一晚我塗嘅。佢仲話我塗得唔好， 塗到出晒界。

果隻手無名指上面嘅介指，同我手上面戴緊果隻，係一模一樣。個款好簡單，不過上面刻左我地個名。

佢隻手好白，白得好唔自然。我以前好鐘意呢隻手掃我啲頭髮果種感覺，我真係好想呢隻手可以再掃一次我啲頭髮，一次。一次就夠。

我推極都推唔郁度門，我嘗試將大門果隻窗打爛，但係我發唔到力，因為我比人拉住左，因為有餘震發生，架船開始結構性下沉。我比我啲隊友，強行拉離左現場，我好努力咁反抗，我搵左好耐先搵到佢架，唔可以咁快就叫我走，我要見多佢一面呀。

我同果一隻手嘅距離愈來愈遠，我感覺到佢好凍，我一定要比啲溫暖佢，唔得。我唔走得。我知，我知佢等緊我。

架船沉得好快，為左安全，我地冇可能花一個鐘嘅時間去減壓，我地強行浮左出水面，雖然我地已經即刻比人救起，送左入減壓艙，不過因為我地上水上得太急，未送入艙之前我地已經出現左減壓症嘅症狀。

減壓症，係一種叫人疼到叫人死去活來嘅潛水病，不過，果一日，我記得就算減壓症有幾咁痛都好，我都唔覺得痛‧‧‧

我走得未呀？我要返屋企。我要返屋企。

我真係好唔想講。點解要迫我講？點解要迫我講？我真係以為我可以咩都唔記得。

你知唔知做人最痛苦你咩野呀？做人最痛苦唔係死。做人最痛苦嘅係，當你以為你咩都可以唔記得嘅時候，你會發現，你原來咩野你都記得一‧清‧二‧楚。

******

生：你話你好打得架！打呀！我叫你打呀！你唔打，我就打死你！

男人來不及反應，雙腳就好像被釘死了一樣，只懂站著求饒。

不遠處的便利店員，看到了生手上的手槍，下意識的放聲尖叫。

當然，尖叫聲驚動了兩個在便利店中喝咖啡小休的巡邏警員。

其中一名警員用一只垃圾箱作掩護，拔出了警察用的「密林點三八」警槍。

華：警察！冷靜啲！放低槍！

生也‧許‧是‧下‧意‧識‧的‧關‧係，他把那指著男人的手槍，指向了警員華。

華：先生！你冷靜啲！放低槍！

生好似什麼也聽不見似的，沒有把槍放下。反而，很小步的、蹣跚的向華亦步亦趨。

華：放低槍呀！阿強！你喺邊呀？幫手呀！條友唔正常架！

華很不安的跟生對峙著，因為他看見生的表情沒有一絲的蹦緊、也沒有一點的仇恨，他的眼晴反而散發著一條滿有希望的眼神。而且，他彷彿在喃喃自語。

生：黎丫。黎呀。開槍丫。開槍呀。

華：阿強！你喺邊呀？阿強！我開槍架啦！

說罷，警員強就在生的背面，猛然的把生撲倒在地上。華衝上前，撿起了生那支跌落在地上的手槍。

華：冇野架喎。「吉」槍一支。

強：華。過黎幫手，我壓住佢，你攞孖葉撘起佢。

生被壓倒在地上，沒有半點反抗。

強：押佢起身。起身呀！仆街！你做咩攞支吉槍黎嚇阿sir呀？你想死呀？想死丫嘛！

強用身體遮擋著，然後用拳頭猛然的在生的腹部抽打了幾下。

華用膊頭上的對講機，跟警察總部聯絡。

華：總台。PC1697，report。我地已經將疑犯制服。重覆。我地已經將疑犯制服。

******

生在家中繼續忙著為他的廚房的裝潢。

他花了很多的時間，把廚房本身已有的器具左搬右移，然後又把之前因為發洩而弄得一塌糊塗的的牆壁，掃上了另一種完全不同顏色的乳膠漆。

也許，是生太疲倦了的關係，他終於筋疲力竭的倒坐在廚房的一角。

生把他的頭埋在兩膝中間，身體很斷斷續續的抽搐著。

也許，是夜快將盡的關係，四周變得異乎尋常的寂靜。

生抬起了頭，仰天長嘯。

只可惜，欲哭無淚；欲叫無聲。

******

聰回到家已經是過了十一時的時候。他的妻子還沒有睡，只是把剛晾好的衣服一件一件的摺疊好。

聰：嗨~

儀：嗨~

聰：你送左阿囡去左宿營啦可？

儀：嗯。

然後又是一段很長的沉默。

儀：聰。

聰：嗯？

儀：究竟我地係幾時開始變成咁架？

聰：‧‧‧

儀：我諗你爸爸都唔會想見到我地係咁。

聰：Stop！無拿拿‧‧‧關咩事呀！

聰什麼也沒有說，又再一個人走到街上去。

儀：聰。

******

高：好果死真係好似你咁講，係有方法可以冶療嘅話，咁其實又係同我地一直都相信緊嘅野有好有衝突。

信仰係可以好主觀我明，不過，生同死係非常之客觀，冇可能、冇如果。因為呢個係一個好客觀嘅事實，自古以黎都冇人可以推翻。

生：我明。生死，未必係我地可以改變；但係，過去，未必係唔可以改變。如果，有能力回到過去，去將本來要死嘅人救番，咁未必係唔可以令改變嘅事實。

高：咪住！你而家講緊果樣野係好唔合邏輯。唔死係一個課題，但係你而家講緊嘅係，回到過去。你樣野係而家嘅科技層面，根本就係冇可能！你將一個假設，建立左係一個唔可能上面，果個假設係唔會成立嘅。

生：唔係冇可能。每一個人都有一條DNA係同掌控時間有關。如果可以將一個人嘅果一條DNA改寫，要返番去以前，未必係冇可能。

高：生，你睇科幻小說睇得太多嘞。

生搖了搖頭。

生：唔係科幻小說；係傳聰，佢做緊嘅研究。

高：佢而家開診所，係一個醫生；佢冇做科學家好耐嘞。

生：不過佢一直都仲有保存左果啲數據同資料，用白老鼠做實驗已經成功左。係差用人去做實驗架渣。

高：好！就算可以比你返番去以前，咁又可以點丫？

生：我唔知。

高：咁如果真係可以比你返去，救番佢，咁之後又會點丫？

生：我冇諗過。

高：我只係個心理醫生，我唔識啲咁科學嘅野。不過，睇戲都有講啦，過去係唔可以隨便去改變，就算真係可以比你改變到，你都可能要付好大嘅代價。

生：如果真係得，我唔介意。

高：有啲野，過去左就應該比佢過去。人係應該要向前。每一個人，都至少應該要「活在當下」。

生：‧‧‧

高：我明白，人生有啲野，發生左，係好難接受。不過，前面或者有更多更好嘅野，係度等緊你呢？You never try，you never know。

生什麼也沒有說，只是拿起了咖啡，呷了一口。

高：不如我地講下佢丫？佢係點架？

生：Times up！今日夠鐘嘞。

高：生，如果你繼續keep住黎搵我，你都知道，總有一日我地點會掂到呢個topic。我話晒都係你嘅醫生，我都有我嘅責任要盡。

生：有好多野，我都唔記得。

高：究竟係唔記得，定係唔想去記呢？

呢幾個禮拜黎，我地一直係度兜兜轉轉，其實我一啲都唔介意，況且，我都好鐘意同你傾計。不過，同時間，我地亦都係度熱緊身，熱身去為左打一度門而去做準備。

或者你會覺得，我呢排成日黎呢度係好無聊、好嘥時間。不過，點都好，就算你真係覺得我太後生，冇資格去幫你都好，我只係好想同你講，有好多野屈埋屈埋係冇用架。

我同你傾左咁耐，我只係覺得，你係好需要搵個人你係可以信嘅，然後將你自己嘅野毫無保留咁講比一個人聽。我嘅意思係，果個人唔一定要係我，係咩 人都得架。只要你試下搵個人，我諗你成個人都會舒服啲。

生一直聽著高敏的話，沒有作聲。良久，他站了起來，徑自的走到門前，將門打開。

******

聰走到街上，看了看手錶，又看了看手提電話：沒有任何未接來電。然而，又把手提電話放回了口袋。

他根本就沒跟他的妻子有約，也沒有什麼事情正在等著他。

他一個人在街上漫無目的的走著，終於走進了一間咖啡店。

「人山人海咖啡店」。

******

仁：係你呀？你果個好討厭嘅朋友呢？

聰：今日我自己一個。你會想唔做我生意？

仁：會架！

聰轉身，慢慢的離開。

仁：我地今晚得番白汁牛油果煙三文魚意粉，唔食就冇得食。

聰：食！

******

高：你 好鐘意飲咖啡架？試下丫。我呢啲咖啡唔係普普通通咁係超級市場度買架。我識有間咖啡店，佢唔單止買咖啡咁簡單，個老闆仲鐘意咖啡鍾意到，自己買左部烘焙 機，然後係原產地果度，直接入啲生豆番黎自己炒，然後按客人鐘意嘅口味，去配啲咖啡比啲客人。試下丫。如果你鐘意飲咖啡，我諗應該會幾鐘意。今日呢啲豆好 似叫‧‧‧

生：Jamaica High Mountain。

高：哈！係呀！係牙買加高山藍山。

生並沒有拿起咖啡，也沒有意欲去吃那些曲奇，就只是動也不動的坐著。

高：係呢？阿聰迫你黎，你有冇預期過今日黎會係點架？你有冇啲野係好想同我傾架？

生：冇。我好好。

高：係？好好，即係你今日心情好好？

生：我唔知。我只係覺得，你‧太後生。

高：嗯‧‧‧你意思係我太後生，幫唔到你啲咩野？

生：對唔住。

高：唔緊要。我都唔係第一次咁比人話。

生：有啲野你未經歷過，你唔明。

高：咁又唔好咁講。好多好成功嘅作家，佢地都有好多野一定未試過。我敢擔保，金庸一定唔識功夫，倪匡一定未見過外星人。生：‧‧‧

高：其實後生都冇咩唔好。至少我諗，冇女仔會鐘意比人話佢老丫。

生：你知唔知咩咖啡係最孤獨？

高：最孤獨？IQ題黎架？

生：唔係。真係有一種咁嘅咖啡。

高：咩咖啡係最孤獨？真係唔知喎。

生：下次黎我話你知。

生拿出了他的成ipod，戴上了耳機，再沒有說什麼。

也沒有喝茶几上的咖啡。

******

聰在人山人海咖啡店內吃著白汁牛油果煙三文魚意粉。老闆仁就在他的對面座下。

仁：好食嘛？

聰：好呀！我仲以為你唔會做我生意添。

仁：呢條街好短，不過我地啲街坊就關係好好。由其係喺「5‧7事件」之後。

聰：嗯。我明。「5‧7事件」的確改變左好多人。

仁：「5‧7事件」之後，阿生有好一段時間，成為左傳媒方追訪嘅目標。其實，發生係阿生身上嘅遭遇已經好慘，我地好唔想佢係咁比啲傳媒係咁折磨，況且佢平日都對我地好好，所以我地所有街坊都好自發咁決定要為阿生做番啲野。

你 知啦，而家個世界係好奇怪嘅。好似啲大明星死左咁，只要有新聞價值，啲傳媒就會想盡辦法，係咁將有佢有價值嘅野係咁「蠶食殆盡」，然後係就棄之而後快。只 要賣到錢有收視，佢地根本唔會野果個當時人的死活。我地好唔想阿生比人咁利用，所以我地一班街坊好自發咁將果一啲騷擾佢嘅人趕走，由其是果啲記者。

我地唔係想多管閒事，我地只係想比阿生係呢個世界上，至少有一個地方可以比佢好好咁生活咁就好嘞。

聰：我明。我諗我同你地嘅出發點都係一樣。

仁：我知。就係因為咁，你而家先至會有野食渣嘛！呢排我地成日都見到生同你一齊，我地都覺得佢比之前開心左咁。

******

高：上次你咪問，咩咖啡係最孤獨嘅？我知！

生：嗯？

高：聖海倫娜係一個與世隔絕嘅島，個島係英國人當年用黎軟禁拿破崙嘅地方。聖海倫娜島嘅天氣好差，拿破 崙當年出出入入又總有一大班官兵跟出跟入。不過對於落難嘅佢黎講，只要有咖啡飲，佢就咩更苦都仲可以忍受。傳說話佢胃癌末期，醫生限佢每日只可以飲一定次 數嘅咖啡，而每次又只係可以飲一啖。佢每日可以做嘅就係，求佢嘅隨從，比咖啡佢飲。但係其實佢每飲一次，就會嘔一次，所以佢嘅隨從，唯有硬下心腸，唔比佢 飲。你諗下，當年吒咤一時嘅拿破崙喎，比人拒絕，換轉係以前嘅佢，佢一定發晒爛渣。但係到佢嘅最後，佢就係每一次比人拒絕，但係就繼續每一次咁求。最後都 都係病死左係個島上面。而佢最鐘意似嘅「聖海倫娜咖啡」開始為人所認識嘞。

所以，最孤獨嘅咖啡就係「聖海倫娜咖啡」（St Helena Coffee）！

生對著高敏豎起了右手的姆指。

高：不過可惜丫，產量唔多，唔係咁易搵到。都試下當年令拿破崙痴迷嘅咖啡都難。

生拿了一包用「雞皮紙」包著的包裹給高敏。

高：咩黎架？

生：獎品。

高敏把包裹打開，是一包咖啡。

生：你呢度係用咖啡壺沖咖啡嘅。我磨好左係比咖啡壺沖嘅粗幼度。

高：你黎過一次渣喎，你點會記得我係用咖啡壺沖咖啡架？不如而家沖黎試下丫？

生聳了聳肩，什麼也沒有回答。高敏轉身去預備沖咖啡的器具。

高：係呢？你平日會做啲咩架？

生：打機、夾Band、同埋睇戲‧‧‧你呢？

高：我都好鐘意睇戲。不過，近排我搵唔到有咩好睇，你有冇啲咩好介紹？

生：你有冇睇過《The Fountain》？

高：有，好睇喎。佢好似連係外國都冇上過戲院。一出就係出碟。

生：好可惜。佢又唔可以算係果啲好藝術果啲片，但係至少佢值得多啲人知。

高：我好鐘意套戲入面，Rachel Weisz講瑪雅族講創世果個神話。

生：人類嘅第一個人，犧牲左自己，創造左呢個世界。

高：佢比生命樹，由佢個肚果度破肚而出，然後將佢自己化成生命樹嘅根，而啲根延展開去，成為左大地。

生：一個人用死去令世界得以創造。

高：不過，佢同現今主流嘅宗教好有衝突。

生：主流？主流係因為多人信啫。

高：咁都係因為值得信、或者比較可信至會多人信嘅。

生：岩。不過只係岩左一半。

高：嗯？

生：如果信果啲人，真係全部都知道自己信緊啲咩，咁果啲信眾嘅人數就有意義。如果有太多人都根本唔知道自己信緊啲咩，只係盲目咁要有人數都屁用咩。即係好似貨幣咁：面額大都未必一定係好嘅。係津巴布韋，佢地銀紙個面額個最高世界紀錄嘅係10萬億。不過，佢地嘅三千六百萬，就只係可以換到一蚊美金。量唔係最緊要，質至係最緊要。

高：都岩嘅。我之前去過啲好大型嘅係大球場搞佈道會。係呼召果陣，係，係有好多人落去，不過，好多人到最尾都係一樣。冇咩分別。

生：剎那嘅感動，太容易嘞。正等如呢個世界又真係有幾多「一見鐘意」丫？

高：一見鐘情我覺得會有。不過，大多「一見鐘意」都係果剎那，被果個人嘅外在所吸引。不過，有好多case係，當有一日佢忽然發現，原來佢「一見鐘意」嘅對象，係會去廁所、會放屁同有口臭嘅時候，好多時果一個「一見鐘意」嘅魔咒，就會隨之咁消失。所以，我都仲係會信有「一見鐘意」嘅，不過，「一見鐘意」就只係一個引子，一個將萬事燃點嘅引子，之後個火係旺定係熄，係要花好多心神去建立嘅。

生：嗯。Bingo。

高：不過，好得意。瑪雅人都係有生命樹，而生命樹都係喺佢地創世果個部份果度出現。你唔覺好矛盾咩？

生：「在創世紀裡，伊甸園中有兩棵樹：智慧樹同埋生命樹。係亞當同夏娃食左智慧樹嘅果實之後，上帝將佢地逐左出伊甸園，然後將生命樹收埋左。」

其實，如果你細心咁留意，你會發現，呢個世界其實有好多宗教，個源頭都係好相似。甚至，可能都係一樣。

唔一樣嘅可能係，宗教落到左唔同種族嘅人嘅手之後，唔同嘅人用唔同嘅方式去發展。

至少係源頭果度，未必係矛盾，未必係衝突。

高：《The Fountain》探討嘅題目本身就已經係好矛盾。不論，你幾有能力，甚至比你搵到生命樹都好，你都係冇辦法擺脫到死亡。自古以黎，人人都想長生不死。但係，真正嘅永生，係唯有透過死至可以得到。

生：一個人用死去令世界得以創造。

高：嗯。自古以來，呢個都係大多宗教教我地嘅智慧。

生：但係，我更加相信，戲入面Hugh Jackman咁講：

「死亡只係一種疾病。同其他病一樣，都係有方法可以治療。」

******

高敏的醫務所不是很大，大概就只有五百多呎的地方。沒有接待處，也沒有配藥房，不過就有一個很大的廚房。也許大多來這裡的病人，需要的都不是化學品的關係，這裡比較像一個會客室。

這裡的裝潢都很簡潔，大多的家俱都是用深色的楓木製的，除了檯燈的金屬部份以外，幾乎找不到什麼金屬的擺設。

沙發是那種仿二十年代的咖啡色皮革製，接縫用銅製鍋釘接合的那種復古沙發。如果你是對好沙發有特別喜好的話，你大多會知道，市面上要找一張好的沙發是很不容易的，因為現今大多的設計師都只著重外觀，而大多的老闆又只看重成本；現今製造商，大多早就忘了什麼是「以人為本」。

但高醫生這裡的復古沙發，由座墊的軟硬度，到座位的深淺度，都是一等一上好的設計與製造。只要當你把自己深陷在沙發之中，就會有一種好像被擁抱一樣被包圍著的感覺。而且，整個醫務所都被一種拾到好處的柔和燈光所照亮，感覺就好像電影中那些被壁爐照亮著的溫暖的家一樣。

今天，傅聰帶著靳鐵生，來到了高醫生的醫務所。

聰：嗨！高醫生。

高：嗨！傅醫生，我以為你會係街角果度打比我，叫我落黎添。

聰：哈！唔好玩我啦，高醫生。好高興終於都係呢度見到你。

高：好高興終於都係呢度見到你。

聰：Me too！高醫生，你見過佢架啦！靳鐵生。生，呢位係我嘅大學同學，高敏‧高醫生。

高：嗨！Nice to meet you。你唔介意我咁叫你嘛？

生似乎沒有把插在褲子的雙手拿出來的打算。事實上，他由進來的那一刻開始就有點心不在焉，對周遭似乎有一點介心。

聰：打搞到你真係唔好意思。

高：客咩氣丫。你地隨便坐住先。我岩岩焗好左啲曲奇，你地都食啲丫，仲有，你地想飲啲咩？

聰：嘩！曲奇呀！唔怪得咁香牛油味啦！不過，我唔要嘞，放低阿生我就走架嘞！

生的聲音很少，很蹦緊地跟聰說。

生：你又話陪我一齊嘅？

高醫生裝作什麼也沒有看見。

高：生呢？你要杯咖啡嘛？

聰：好喎！阿生佢最鐘意咖啡架嘞。

高：冇問題。我呢度啲咖啡都幾ok架。

高醫生走進了廚房去準備曲奇與咖啡。

生：你玩野呀？佢同你同我差唔多大架渣！

聰：No！正確啲黎講，佢係細我地兩年。嗨！不過，有咩問題呢？

生：No！佢太後生啦！

聰：你岩，佢係好後生。不過，佢好叻架！Ok？至少，我係非常之咁信佢嘅。

生：No‧‧‧

聰：嗱！我問你嘞！你覺得佢靚唔靚先？

生：咩呀？關咩事呀？

聰：你答左我先啦。佢靚唔靚女先？

生：靚。

聰：咁咪得囉！係咪？又靚、又後生、又聰明，又幫到你，come on，仲有咩唔好呀？你話嘞！仲有咩唔好先？

生：嗯‧‧‧

聰：仲嗯咩鬼丫，阿靳生？何挺你又話唔岩，高醫生你又話唔岩，我識人好少架渣，你想搵人幫丫嘛！係咪？咁你搵想高醫生丫？定係何挺丫？

生：高醫生。

聰：咁咪係囉，咸濕仔！哈！

生：不過‧‧‧

聰：人地後生丫嘛！見左先啦！或者佢唔係你咁諗嘅呢？Right？

生：嗯‧‧‧你講到佢咁好，咁你果陣又唔「追」佢？

聰：咩呀？家下我老婆好差咩？吓？仲有呀，當年我識佢果陣，佢好薯架渣，又木獨，你諗下啦，讀書果陣好成績好果啲，有邊個係靚女架？我老婆，就唔同呢？佢讀書真係一啲都唔叻架！哈！

不過，講真丫，而家佢真係靚左好多。

高醫生從廚房中捧了一個托盤出來，上面有曲奇，也有兩杯咖啡。

高：搞掂！係呢，你地咁好傾嘅？你地頭先講緊咩靚呀？

聰、生：冇！冇野呀！

高：哈！咩好似老師咩？整咩你兩個好似小學生比老師鬧咁架？哈！你地兩個細個比老師罰都係咁架？

聰：哈！哈！我一啲都唔覺得好笑囉！我係唔會話比你知架！你要問，你自己慢慢問阿生啦！我係時候要走嘞！我約左我老婆。

生：喂！你又話同我一齊走嘅？

聰：阿生哥，幼稚園咩？何況高醫生又唔係會食人，我又唔信你會蕩失路番唔到屋企，right？走嘞！Bye！

******

傅葉謝鄧醫務所。

傅聰坐在辦公桌前，把生為他選的一堆DVD片翻了又翻。

他記得在「人山人海」咖啡店內，在生打斷何挺的話之前，何挺好像根據眼前這一堆DVD整理出了一絲頭緒，一點共通的關聯。要知道心理學者最喜歡從別 人的生活中的細節找碴，從而推斷別人的心理狀況。傅聰覺得似乎只要找到何挺發現的線索，他就可以走近生的那一個重門深鎖的內心世界多一點點。

當然，如果真的想要弄清楚何挺的想法，他其實可以直接了當的給何挺撥一通電話就可以。不過，傅聰想起那一天在咖啡店的何挺，似乎是真的被生惹得發毛的樣子，是他頗為驚訝的。始終，跟何挺認識了這麼多年，他怎麼想也想不到，身為心理學家的何挺原來可以如此的失控。

猶記得離開咖啡店之後，何挺也沒有多說點什麼就氣沖沖的走了。所以，聰覺得還是在短期內，跟何挺保持一點點的距離為妙。

正當聰對著那堆DVD發呆的時候，靳鐵生連門也沒敲的，就打開了傅聰辨公室的大門。生沒有走進辦公室，只是待在門檻之下站了良久。

聰：你有野想同我講？

生：我明，點解果日會有條心理醫生會喺果度出現。我明，你想點。我明，你嘅意思。呢幾日我一直喺度諗，你係岩嘅。我諗我係要人幫。我諗我係要比人幫‧‧‧

聰：好，好呀！That’s good！

生：不過，有啲嘢要好小心。有啲嘢我知道，如果唔去諗，或者會比較好‧‧‧

聰：點都好啦！至少你都黎左搵我啦！咁已經係良好嘅第一步。你做得岩架，有人幫係好好架，如果你果啲好混亂嘅思緒有人幫到你去整理下，咁你個人就唔駛咁繃緊。車軚都唔可以係咁谷氣啦，release下，個人襟用啲。

生：不過，我唔要去見何挺呢啲咁嘅旦散，我一定唔會去見佢。

聰：好！冇問題。我怕你話要搵佢多啲啦。

生：係我都好架，我真係想同佢隻抽架。

聰：Ok！Ok！知你好打得啦！呢啲野係唔駛證明嘅。

生：嗯。

聰：嗯。咁你比啲時間我安排下，ok？

生：Ok。

此時，有一位女子沒有敲門，就徑自的走進了傅聰的辦公室。此人正是擬告傅聰性騷擾的樂曦兒。

聰：點解你地個個入親黎都唔敲門架！樂小姐？

兒：傅醫生。Sorry呀，我唔知你有朋友喺度。

聰：我都唔知你會喺呢度出現！你又冇預約、亦都冇敲門。有人喺度都好正常啫。

兒：係、係，咁我可唔可以同你傾下？定係我下次再黎過？

聰：No。is ok！你坐一坐先。

兒坐到了聰的辦公桌前，好奇的檢視著了辦公桌上的DVD。

生似乎猜到了兒的身份，在兒看不見的情況下，他跟傅聰打了個眼色，然後迅速的指了兒一下。

生：就係佢呀？

聰： 嗯！

生：就係佢話想同你做呀？

聰很無奈的點了一下頭。生繼續用不被兒聽見的音量，雀躍的在聰面對手舞足蹈。

生：Wow！Give me five！Man！

聰：你痴架？走啦！

生：好得喎，佢！我一直都以為佢係豬扒黎架。

聰：走啦！我要搞掂件事佢呀。

生：No！身為你嘅朋友，我會叫你食得唔好嘥啦！

聰：走呀！

生：No！你唔做我做丫，Come on！

聰：你家下走唔走呀！

二人用很少的音量爭拗、用很少的音量互相推撞著，遠看二人就好像兩個還沒有長大的大男孩，為了誰可以優先去追一個二人都心儀的女孩爭風呷醋的樣子。

最後，傅聰為了不想再跟生拖拉下去，唯有板起了臉，拿起拳頭，裝作發怒，作勢要把生痛打一頓，生才乖乖的自動退下。

然後，聰就在辦公室中沙發坐下，伸了一個懶腰，長長的嘆了一口氣。

兒：傅醫生，你好嘛？

聰：好？我諗我近排好難可以用個好字去形容。

兒：我好多謝你冇趕到我走。

聰：問心丫，其實我有咁諗過。不過，你覺得我有得揀咩？樂小姐，家下你要告我喎！你知唔知你咁做，令我係診所入面幾難生存呀？

兒：對唔住呀‧‧‧

聰：‧‧‧

兒：‧‧‧

聰：你今日黎說剩係諗住同我講對唔住，然之後就繼續告我呀？

兒：唔係‧‧‧

聰從沙發中起來，探身到自己的辦公桌上，拿起了那封兒透過律師發的，要告傅聰性騷擾的那封信。

聰：呢封信‧‧‧‧‧‧

就在聰拿起了信正要轉身的時候，他不巧的發現，坐著的兒的高度，正好在他腰間左右的地方，距離就只有一個手掌位左右。就在此時，兒把她雙手放到了傳聰的腰側，然後抬頭望向傅聰。

兒：你放心，我好快就得架嘞。

聰很尷尬的想把她雙手拿開，但他驚訝的發現B的雙手出奇的有力。

兒：傳醫生，求下你丫‧‧‧

兒的眼神異常的堅定。

兒：我最近經歷左一次好痛苦嘅離婚。我結左婚十年，最後果五年，我老公喺出都有另一個女人，佢地係呢個城市入面某一個角落有另一個屋企，有另一個我唔知嘅人生。

有日係街度比我好偶然咁見到佢地，然後我就開始跟蹤佢地，睇住佢地一齊，成件事好唔真實，就好似一個夢咁，好冇重量。

有日，我同佢地嘅鄰居傾左一陣計，佢地嘅鄰居講佢地就好似講緊一個喺果度住左好耐，一個好普遍周圍都有嘅家庭，所有野都好順利成章，所有野都好理所當然。

就係果一刻，我開始分唔到咩係真、咩係假。究竟果個女人同佢至係真實，定係究竟我至係虛幻呢？我成個人生忽然之間好似完全同現實抽離左咁，然後忽然間我失去左知覺，成個人喺街度暈左。

傅醫生，個問題係：我‧到‧而‧家‧都‧企‧唔‧番‧起‧身。我知我對你所做嘅野係好唔可以原諒，我對你做左啲我平常係唔會做嘅野，我仲要威脅你要告你。你知唔知呀，我連我自己都覺得我自己好可惡。

我今日黎，係好想好想親口黎向你道歉，我係真係好慚愧。我好希望你會原諒我。我知係好難，不過我都好希望會得到你嘅原諒。

信我丫，自此之後，我唔會再帶比你有任何嘅麻煩。

聰：嗯。我信你。下次再係唔好再係咁嘞。

兒：你真係肯原諒我呀？

聰：肯。點解唔肯？其實你問我我有冇嬲過你，我又好似真係冇。我只係覺得好煩。又要收律師信，又要比我啲同事煩。不過，真係冇咩好嬲。我諗我如果我真係比人告，我最嬲都只會係，冇做到就比人告果下唔抵丫嘛。哈！

聽完你頭先嘅解釋，我更加嬲唔落，我唔係話你嘅行為冇錯，我只係擔心你。如果有問題，搵人傾下丫，或者搵個醫生睇下。當然，唔係搵我呢啲普通科醫生啦，如果你想，我可以介紹啲女嘅醫生比你。

兒：嗯。你放心啦，傳醫生，我有睇開醫生。係佢鼓勵我叫我做人要主動啲嘅。

聰：哈！主動啲！你個醫生都真係．．．哈！

兒：傳醫生，我都唔想阻你太多時間，冇咩野我走先架嘞。

聰：Sure。

兒拿起了她那個碩大的袋子，準備離開。

兒：係呀！律師果度我好儘快搞掂佢架嘞。

聰：好。咁就最好啦！

兒：係呢？傅醫生，你信有時光機架？

聰：嗯？

兒：定係你好過去有啲野你好想去改變？

聰：唔明？點解你會咁講嘅？

兒：冇！我都係估架渣。我見你檯面咁多DVD，全部都係同時空穿梭有關嘅。而且入面大部份都係想將過去改變。

聰很用力的拍了自己的頭一下。

聰：頂！我明嘞！點解我一直都諗唔到嘅呢？

兒：諗到啲咩呀？

聰：冇！我一直都知道呢堆DVD係有啲關聯，不過我之前就係點都整理唔到入面果條脈絡。Right！過去！改變過去！時空穿梭！哈！真係好唔該你！好彩比你提一提渣！哈！Thank you！

兒：真係好，原來我都仲有啲用。好嘞！傅醫生，我真係唔阻你嘞！拜拜！

兒：唏！樂小姐！

傅聰伸出了他的右手跟樂曦兒握了握手。

聰：Good luck！

兒：你都係！

******

星期日午後的「人山人海咖啡店」非常的休閒，老闆阿仁為何挺、傅聰及靳鐵生端上了三人的午餐。何挺及傅聰坐在四人桌的一邊，另一邊就只有生一人

挺：係呢？阿生，你做盛行架？

生： 我係收藏家。

挺：係？咁你收藏啲咩呀？

生：收藏啲戲咁。

挺：係？係喎！你好鐘意《Contact》架？

生：嗯。

挺： 點解嘅？我覺得有好多科幻電影都唔錯架喎。我個人就好鐘意Indenpendce day嘞。我記得個結局到最後都幾touching 架。

生：哦。

挺：係喎！我頭先見到你好似幫阿聰揀左啲戲口喎。聰，可唔可以比我睇下呀？

《Terminator》、 《Back to the future》、《The Time Machine》、《Butterfly Effect》、《The Fountain》、《12 monkeys》、《月光寶盒》、《Contact》‧‧‧呢啲片全部都有一個共通性喎‧‧‧

聰：係？

挺：嗯‧‧‧呢啲戲全部都係同回到過去有啲關係喎。哈！我有啲好奇，究竟阿生你係個點嘅人，會令你去揀呢一埋戲嘅呢？

生：‧‧‧

我見你都好似好鐘意睇戲咁喎！我頭先見你拎住套《十誡》呀可？你知唔知套戲講咩架？

挺：知！《十誡》係根據左《舊約聖經》摩西帶以色列人出埃及，同上帝頒布的「十誡」嘅故仔嘅。係呢？你都鐘意《十誡》嘅咩？睇唔出你有宗教信仰喎？

生： 有。不過，唔關你事。

聰：生‧‧‧

生舉起左手示意聰不要打岔。

生：套 十誡你有買架嘛？你自己攞隻碟出黎睇下，睇下套戲講咩。你買果隻係奇斯洛夫斯基 (Kieslowski) 嘅《十誡》。呢套《十誡》係叫《The     Decalogue》，你睇唔睇得出，你買野隻碟厚啲架？厚唔係因為係特別版，係因為你買果隻係奇斯洛夫斯基喺1988年幫一間電視台拍嘅十集電視劇集。 而唔係你講1956年果套《The Ten Commandments》。

挺：‧‧‧

生：Kieslowski 被喻為「歐洲當代最具獨創性、最有才華和最肆無忌憚的電影大師」，佢係我心目中佢係神錯手做左出黎嘅天才。咁你呢？何生，咁你又會點形容你自己係咩人呀？

你‧究‧竟‧係‧咩‧人‧呀？

心理醫生？冶療師？

你想做咩呀？評估我呀？研究我呀？幫我呀？

挺：唔係。我只係咁岩行開街，又咁岩撞到我老友同你啫。

生：下話？你收皮啦！我個鼻好靈，你根本就係一身心理醫生嘅狗除，同埋有把心理醫生獨有，好難頂、扮晒野嘅聲。就連你叫野食果陣，都似足個啲令人好撚討厭嘅心理醫生！

聰：生！算啦！係我唔好，係我‧‧‧

挺：No、no、no！比佢講落去。我都好想知心理醫生係點叫野食？

聰：挺呀，咪咁啦。

挺：唔係！係我好想聽下佢點解。

生：黎丫，你想聽丫嘛？

生很大力的用拳頭打了桌面一下，繼而從坐位站了起來。

生：黎丫，你想聽呀嘛！出去！出去我講你聽。

出去呀！心理醫生呀嘛！你又唔係高，但係個人咁橫，你梗係做好多gym架嘞？心理醫生學人做咁多gym做咩呀，練咁大隻有屁用呀？你咁大個仔有冇試過同人黎一次臨床實驗呀？

挺：咩‧‧‧臨床實驗？

生：你咁大個仔你有冇同人打過交架？有冇同人隻過抽呀？冇？冇，你練咁大隻，有咩撚野用呀？！黎呀！出去同我隻抽呀！

挺似乎真的有點被激怒站了起來。

聰：唔好！你唔夠佢打。

挺： 我‧‧‧

聰跟何挺很認真的搖了一下頭。

聰：生！算啦！Sorry呀。

生向聰做了一個「我明白。不過講什麼也不要說，就此打往」的手勢。

生：起身呀！冇撚用！心理醫生！你係九哥果度，我同九哥一早就拆穿你個西洋鏡啦！

你成日都黎呢度搵戲睇呀嘛！扮熟客？我‧就係真正嘅熟客嘞！我幫襯咁耐都未見過你呀！

仲有呀！九哥個人係慢左啲啲，不過佢勝在過目不忙呢！佢記得每一個、係每一個幫襯過佢嘅人，鐘意啲咩口味、鐘意睇啲咩戲。佢呢啲就係真真正正嘅以客為本呀！

話你知丫，錢‧係唔易賺架！係要做功課架！心理學家！

何挺一時間找不到回應的方法。生什麼也沒有說就徑自推用離開。門臨關上之前，聽見生很大聲的，不知是對自己還是衝著何挺的說了一句：

生：哼！心理醫生！

傅聰跟何挺在咖啡店中呆坐著。

聰：挺！對唔住呀。

挺：唔關你事。

此時，一直不哼一聲的老闆走了過來。

仁：盛恵$126丫。

挺：咩呀？我都冇話要埋單。

仁：冇。張單係我幫你埋嘅。唔該你即刻同我扯。我地唔歡迎你。走！

何挺因為一身怨氣還沒有過的關係，毫不客氣的跟仁對持著。

挺：你憑咩唔做我地生意？你知唔知我係咩人呀？

仁：我知！你係心理醫生丫嘛。

挺：我係「消費者委員會常任理事」呀！

仁：咁又點呀？

挺：我可以‧‧‧

仁：我唔想知你可以點。我剩係知你得罪左我地呢條街，每一個人都好錫嘅一位人客。其實由而家開始，唔止我地咖啡店，係成條街，都會唔歡迎你。

挺：‧‧‧

仁：心理醫生丫嘛？你呢啲住唐樓養番狗嘅大醫生係唔會明架嘞。我地呢啲叫人情味，呢啲叫隔離鄰舍嘅相互守望。走啦！我地唔歡迎你。

二人見咖啡店心意已決，唯有知趣的離開。

8月8日。似乎今天是心理醫生何挺非常之「黑色星期五」的一天。

******

生回到家中，呆呆的看著他的廚房。忽然，他拿起了之前裝潢用剩了的米黃色乳膠漆，拿不留情的把所有的乳膠漆，潑向那個將近裝潢好的廚房。

然後隨手拿起了一條木方，像砍柴一樣，把他所有的精力都發洩在廚房的所有物品之上。

******

對於一家半式微的舊區錄像店，處於這個在互聯網之上什麼也可以下載的年月，生意可謂非常的慘淡。

在這個庸懶的星期天午後，店來了了兩個晃子，其中一個似乎跟老闆混得挺熟的。

生：喂！九哥！我又黎打搞你嘞！

九哥坐在他那錄影帶堆積如山的櫃檯後，久良，才目光散渙的抬了起頭來。他那種慢得跟吳宇森電影中周潤發拿雙槍飛射一樣的慢動作，使人彷彿覺得這間錄像店根本不是存在在這個時空似的。他的聲音也好像脫了軌似的，好像唱盤的轉數給人調慢了一樣。

九：你條友，好少可你咁耐都冇出現。咩呀生哥你條木獨佬，家下平日會有野做架咩？

生：有就梗係有啦！你估我似你，坐左監咁咩。剩係識坐係間碟鋪。

九：咩呀？家下你估我想嘅？鬼叫我以前個底花晒咩？我老婆覺得我家下匿係間爛鬼鋪到，冇得搞搞震，安全啲嘛。坐下坐下，我又    開始愈來愈鐘意電影，做下做下咁就十幾年。

生：唔好話你份人細膽、怕變？

九：咩呀？咁做落點都有啲感情架嘛？同埋我唔做，你地呢啲戲痴，又可以去邊搵到啲啲戲咁齊嘅地方呢？

生：齊？你入多啲DVD就齊嘞。九哥，人‧係要同與時並進架！生意‧都係一樣。我都知你唔想錄影帶同LD比人淘汰，不過！我屋企部錄影機就快壞嘞！壞左我都唔知拎去邊度整！

仲有呀！好心你就執下間鋪啦！我怕你總有一日，你啲戲跌晒落黎責死你呀！

九：妖！我啲野你咪鬼野！真係死左你記住做大封啲帛金就得嘞！

係呀，你走果陣提一提我，我有啲正野留左比你

生：    好呀。

聰跟生開始在九哥那間藏量浩瀚的錄像店內，好像藝術家檢視著店內的每一件藏品。

聰：生，呢度好得喎。你同九哥好熟架？

生：你咪睇左九哥份人好似佢九唔搭八咁，佢以前拍戲架。

聰：係？演戲架？冇咩印象喎。

生：做戲佢都有嘅，不過少啲。佢啲戲好屎。

其實佢係導演黎嘅，佢拍啲戲都ＯＫ架。不過，佢最出名都係佢同啲女明星啲緋聞。基本上每次做佢套戲果啲女主角都同佢有過一手。

聰：佢以前咁風光，咁做咩而家搞成咁？

聰：鬼咩，佢一世風流，點知衰左係佢而家個老婆手上。佢老婆係個賭皇果個女，有幾個錢架。結左婚之後，條友仔比佢老婆周到佢仲有同啲妹妹仔曖曖昧昧，佢老婆怕佢收唔到心養唔性，咪比左錢打左個本比佢開左呢開鋪囉。

聰：佢唔係之前拍戲嘅咩？唔係為左鎖佢，戲都唔比佢拍呀？

生：唔係。佢結左婚之後，仲拍左一、兩套戲，不過一部仆直過一部，最後冇老闆肯再比錢佢開戲。你知呢行啦，貪新鮮，你潛水得一年半戴，係人都會將你慢慢咁遺忘。

九：點呀，生哥。我家宅比你起晒啦！𡃁仔，咪聽佢亂講，唔拍戲係我用晒我人生拍戲啲quota啫。你知啦，人生咩都有過quota，你咁大個人，不論你幾大隻都好，咪又係得果一、兩公升。咩都一樣，用晒就冇。

我而家都話晒仲係半個電影人，都仲係為緊個圈出木緊力丫。

生：扮咩野丫？你話啦，成個電影圈仲有咩人記得你丫？咪就係得我呢啲影痴。電影人！

九：妖！你走把啦！好日唔黎，一黎把口就臭到咁，過主啦。

係呀！𡃁仔，你叫咩名呀？

聰：我叫阿聰。

九：阿聰哥，唔好群呢啲人咁多。佢條木獨友，黐黐地。係呀！有咩你係度搵唔到，即管話比我知。呢個世界冇咩戲，我係搵唔到嘅。上至藝術電影，下至中外AV，只要佢係呢個世界出現過，我都有計。

生：真架。佢啲AV好堅。

二人很雀躍的開始各自在店中自己喜愛的欄目中「碟海浮沈」。

聰剎有介事的環顧了一下四周，看見生正在一大堆片子中埋頭苦幹，也看到九哥繼續的在他的櫃台後打瞌睡，他拿出了他的手提電話，然後刻意的把聲線壓下，撥了一通電話。

聰：係。喺街角果間好舊嘅影視鋪，嗯。

生捧著一大疊的影碟來到聰的一旁。

生：嗱！呢啲岩你全部都好野黎！

聰：好！等我睇睇我有冇睇過先，《Terminator》、《Back to the future》我睇過喎！《The Time Machine》好似Ok 喎！周星馳？《月光寶盒》？仲上、下集添呀？得唔得架？

生：得！周星馳最好睇一定係呢部。睇完我諗你都會好想有呢個世界上真係會有「月光寶盒」。

此時，一名西裝畢業，身材不高，卻很健碩的男子，推門走進影視店。

聰： 係？好！我又返去睇下先。仲有好多喎，《Butterfly Effect》、《The Fountain》、《12 monkeys》、《Contact》‧‧‧

挺：依？你搵到《Contact》呀？我都搵左《Contact》好耐呀！唔知點解出面度度都斷晒市。

挺：係呀！我成日都黎呢度搵戲睇架！你睇呢度，幾懷舊、幾有味道。你又會識黎呢度嘅？

生：係呀！呢度啲野一嬲齊過出面好多架啦。我之前見過唔止一隻架。不過，呢度麻煩在啲野亂咁擺，好鬼難搵。九哥！你係咪仲有多隻《Contact》架？好心你執下你啲野啦！

九：咩呀！邊有呀？

生：嗱！你咪話冇呀！郁下、搵下啦！今時今日咁嘅服務態度係唔夠架。

聰：依？何挺！咁岩嘅？

挺：依？傅醫生！？好耐冇見嘞！

聰：係呀！你近排好嘛？又會係度見到你嘅？

聰跟何挺的對話給人一種很有趣的感覺，因為二人的對話有黠很不自然，生硬得很。

生偷偷的望了望九哥一眼，九哥搖了一下頭，生也作了同樣的回應。只是二人的動作都細得旁人難以察覺。

聰：冇。我朋友帶我黎架。呢，呢個係靳鐵生，我識左佢廿幾年架嘞。我小學第一日返學就識佢架嘞。哈！阿生，呢個係何挺！佢係我大學嘅同學。

挺：靳生！你好呀！

聰：嗯。

生沒有搭訕下去的興趣，只是徑自的回到了「碟海」中，繼續埋頭苦幹。

挺：聰！咁耐冇見，你點呀？仲係做研究呀？

聰：挺！唔係呀！我冇做研究好耐嘞！我而家開左間診所。

挺：係？開診所好喎！又穩定、又易做，收入仲‧‧‧哈！哈！哈！依？相請不如偶遇，一陣一齊去食lunch丫？

聰： 依？都好喎！等我問下阿生先！生呀？有冇興趣同阿何醫生一齊食飯呀？

生：聰！聰，你過黎丫。

聰：咩事呀？

生：我唔想同呢個人一齊食飯呀！我唔鐘意呢個人。

聰： 點解呀！佢係我大學同學黎架，我朋友咪即係你朋友。

生：唔係呀！我唔識點講。不過，我直覺話我知佢好唔妥。

聰：生。我唔係唔信你啲直覺呀。不過，你記唔記得呀，當初我地撞番果陣，你都覺得我信唔過啦！夠用汽水潑我啦！Right？咁
我係咪真係信唔過先？

生：唔係‧‧‧咁你點同呢？我‧‧‧唉。我都唔知點講。

聰：吖吔~咪咁啦！食餐飯渣嘛。

******

雖然說是逃出了陰霾，但是回歸機場，看見了寶藍跟紅的制服，還是會叫人思海缺堤、感概萬分。

陳奕迅在很久以前就跟我大聲的唱：「除非你是我，才可與我常在。」

對。也許就只有自已，才會比較懂得愛惜自已。

站在機場，我看到了過去的自已，那個只懂狂奔的自已真的可愛得很呢。

看著我的過去，我無不為那些精彩的過去自豪，也不禁為今天的人生喝彩。

******

十月六日的零時三十分，電視上播著最後一季的確《ER》。看著Anthony Edwards飾演的Dr. Mark Greene再一次在《ER》裡面出現，那份感觸是非筆墨所能形容的。

******

所謂藝術，是應該擁有悲天憫人的視野，安撫觸動人心的能耐。

藝術是人類精神的昇華，也是生命內涵的養分。

她是真正的藝術家、表演者、說故事人，她擁有神級的雙手，她的演出是真正的藝術的表現。

Her name is Kseniya Simonova。

******

看罷電影《The Time Traveller’s Wife》引發了一個謎思：

「是否任你的本事再高，你都必須把那個早就寫好的劇本演好？」

「是否任你的能力再大，你都逃不過命運大魔王的轄制？」

雖然兩個小時的電影真的太短了，一切都只能水過鴨背。

還好，電影的還原度很高，算是拍得很不錯的一次改編。

Rachel McAdams很漂亮，很適合演Clarie。

Eric Bana的演出是令我驚異的。因為一直以來我都覺得Henry應該是由Christopher Eccleston來演的。看trailer的時候，我也懷疑如此健碩的Eric Bana是否可以把幹練的Henry演得來。

不過，看罷電影，Eric Bana這個選角是成功且無容置疑的。

故事精彩的地方太多了，一段電影的長度是不夠用的。

如果可以的話，我想把它拍成電視劇一定會很捧的。

就找ER裡的Abby跟Luke來演就好了。

******

我想問，又冇人重傷，又冇人打交，又冇人祼跑。明明舉牌補四分鐘，為咩要補五分廿七秒呢？

如果又係用「球證無上論」去辯駁嘅話，咁做咩要有第二、三、四、五旁證呢？

咁不如回歸打街場啦？球員自己搞掂埋佢咪得囉！

前英格蘭著名裁判格拉漢姆-保亞，他寫了篇文章，長長的標題竟然是：

「費格遜曾對我解釋過一條足球規則：在曼聯主場，除非球隊領先，否則你別吹完場！」

******

昨晚跟朋友們唱Ｋ的時候，唱到了王傑。

大家也不知道、也不太相信王傑真的有一首新歌是真的叫作《我知道我是一個已經過氣的歌手》。

老實說，聽這歌的時候，我真的聽得很心酸。

始終，在我成長的年代，王傑是曾經走紅到你一個很難以至信的地步。

他演的《戰龍在野》也是一套90年代，叫我很喜歡、也印象深刻的電影。

聽說，他會在十月二十三日在紅館會有演唱會。

我真的很想去捧奉場呢！

我是衷心的想看見他東山再起的呢！

******

2009年的9月11日。

人家說有些事情己不再新鮮，早應該要從記憶中抺掉。但是，我想我做不到。因為，這八年來，那一夜，從來都沒有在我的腦海中像灰飛的那樣煙滅過。

當天，雖然我身處在地球的另一邊一個毫無關係的小城之上；只是那一天帶來了的那恐懼與震憾，我想是我這一生也不會忘記的。

八年過去了，什麼感情也該要沉澱下來。

我時常的想，911的那幢雙塔是應該要記住的。只是我也很想看看阿富汗、伊拉克那些被那謂的正義摧毀的地方。

如果我們自認是中立，想置身事外的話，那麼，也好應該想想，主流社會、主流傳媒所傳播的究竟有多少是對的呢？

******

2009年9月9日9時9分9秒，林九會否打比《九九九但願人長久》的葛民輝去聚聚舊？

******

是舊世界也好，是新世界也好，人們都喜歡這些連鎖信的遊戲。

近來，facebook上流傳了這一款。

這遊戲叫「First 15 Movies」。

Rules: Don’t take too long to think about it. Fifteen movies you’ve seen that will always stick with you. First fifteen you can recall in no more than fifteen minutes. Tag fifteen friends, including me because I’m interested in seeing what movies my friends choose. (To do this, go to your Notes tab on your profile page, paste rules in a new note, cast your fifteen picks, and tag people in the note — upper right hand side.) I hope you participate, even if you didn’t get tagged! (Started by OO Woo）

下面的就是我的選擇：

1. Fight Club
2. Wings of Desire
3. Dead Poets Society
4. 春光乍洩
5. 東尼瀧谷
6. What’s Eating Gilbert Grape
7. 柔道龍虎榜
8. 大隻佬
9. 21 Grams
10. Leaving Las Vegas
11. Batman: The Dark Knight
12. 龍鳳鬥
13. Endless Summer
14. Heat
15. 爆裂刑警

15齣戲對我來說是真的太少了。只要是說電影，我就可以如數家珍、口若懸河。

90年代是我成長與懂事的年代。那些年，UFO大多的電影都很對我的口味。

「流氓醫生」、「救世神棍」、「烈火戰車」、「浪漫風暴」．．．這些都是我所喜愛的。

看了其他人選的戲，你會不禁的驚異：為什麼我會忘了這齣的呢？

不過，當我完成了之後，再仔細的去再思考有什麼遺漏的時候，

你會發現，原來在這個世界之上，會觸動你的好東西，真的一點也不多呢！

******

如果一世人只可以擇一個偶像的話，無容置疑的，我一定會選：「劉華！」

「劉華！好波！」

懶野世界怎樣看，我行我素，那不正是「楊過」嗎？

******

畫《大風吹》的插畫的那一段日子，我的itunes上面總是重覆播著這首歌的。

我是衷心的覺得，如果這歌的歌詞是由女孩子的角度出發的話；

這歌一定會是《大風吹》的主題曲來的。

這歌就是Rubberband的《夏令時間》。

******

葬禮。

傅聰父親的葬禮是以基督教土葬的儀式舉行的。參與的人算不上多，不過還好，也算不上蕭颯。眾人圍在已經為下葬而預早掘好的士坑旁，跟著牧師的指引為傅老先生祈禱，及送上最後的祝福。

參與的除了傅聰一家以外，還有Indelible的成員及高醫生。在場的當然不會有傅聰的合伙人，沒有人會期望看得見他們的出現。

在一個很憂暗的角落，生躲在一旁不停的來回踱步。

隨著牧師的用《詩篇第廿三章》為整個葬禮作結。也使這個沉重、感傷的葬禮慢慢的落幕。各人都為傅聰一家送上安慰與祝福。

聰：高醫生，今次見面，斷估你應該唔會開番張單比我嘛。

高：傅醫生，我唔係啲咁市儈嘅人。

聰：係。仲未介紹：呢個係我老婆阿儀；呢位係我嘅心理醫生高醫生。

儀：咩你一直有睇心理醫生架？我一啲都唔知嘅？

高：唔駛擔心。傅太，基本上我唔算係佢嘅醫生，因為我都未正式同佢睇過症。

高：原來你一直都唔肯公開我同你嘅關係。

聰：其實我同高醫生係讀醫頭一兩年嘅同學，之後大家揀嘅科唔同，就好少見面。

高：有一次係醫院度撞番佢，比佢知道左我讀心理之後，呢個人就成日黎借啲意黎扮幫朋友問問題，其實就係想免費睇醫生。

儀：係？咁佢啲精神問題嚴唔嚴重呀？

高：都幾架！我懐疑緊佢究竟係有妄想症、定係有精神分裂。佢成日話代佢身邊啲朋友問問題，不過，我好懷疑，佢啲朋友咪真係真有其人。

生就在此時，很靦腆的走近，聰獨自迎上。

生：聰。

聰：唏！生。好多謝你黎，有心。

生：上次，好對唔住呀。令尊咁，我都好遺憾。果晚，好對唔住呀。我知我果晚係有啲奇怪。

聰：生，果晚嘅事由佢啦。你而家黎，我爸爸佢會明架嘞。唔駛擔心。不過，你頭先一早就黎左，做咩唔早啲過黎？

生：因為，上次‧‧‧

聰：得啦！咪咁婆媽啦。

生：嗯。多謝。係呀！我帶樣禮物比你。

聰：係？咩黎架？

生拿出了一張黑膠唱片。

聰：Maroon 5 ？點解係Maroon 5 架？你點會知我好鐘意呢隻碟架？ 《It Won’t Be Soon Before Long》！

生：我都唔知，直覺掛。

聰：我以為你剩係鐘意Beatles呀！果啲老野嘅添！

生：係你自己以為啫！我都不知幾鐘意Radiohead。

聰：咁又係，你而家係酒吧玩果啲我好多都唔識添。

生：你老嘞。

聰：Sir！我同你同一年架！我老，你都老嘅啫。

生：係呢？頭先同人傾計果個，邊個黎架？

聰：冇，佢都係我舊同學，讀醫果陣啲舊同學。𠵱！咪住。哈！我都話你係咸濕仔架啦！

生：咩呀？

聰：靚女呢~~冇男朋友架！

生：關我咩事呀？

聰：黎、黎、黎，我介紹你地識。

呢個係我老婆，你見過架啦。呢個係係我讀醫嘅同學高敏，高醫生。

高醫生，咪話我成日吹水嘞，我真係有朋友架！呢個就係我之前同你提過果個朋友嘞。

高：噢！你話係你好好朋友，小學識到而家果個？

聰：冇錯！真係真有奇人架！我小學番學第一日就識佢，識左成廿幾年，佢係我嘅好兄弟：靳鐵生。

高：靳先生，你好。

高伸出手來想跟生握個手問好，生還是依舊那個性子，沒有回應。

聰： 佢係咁架！唔多鐘意握手，怕生保~~

正當聰努力的打完場之際，生竟然跟伸出手來跟高點了下頭、握了下手。

聰萬分驚訝的跟高醫生作了個鬼臉，然後在沒有任何人察覺的情況下，在背後輕敲了生的頭一下。聰用沒有聲音的唇語跟生說：「你個衰仔丫~~~」

生把他的左手放到了背後，向聰舉起了左手的姆指，跟聰單了一下眼。

那種默契並不是一般君子之交可比的。

******

聰在大清早才回到家。他的妻子早已起床預備早餐。

聰：老婆！Sorry呀！我知我咁遲先返係好唔岩，不過你知架，我一嬲都未試過係咁架。我冇打比你都只係知你訓左唔想嘈醒你渣。我真係成晚都係阿生果度架。睇到個好朋友咁，我唔忍心，我唔可以唔理佢。佢只係得番我一個朋友渣。

儀：你成晚唔番黎，電話又唔打，你就覺得我訓左怕嘈醒我，其實實情係我成晚都訓唔到，你知唔知你冇端端咁唔見左人，人地係會擔心架？

聰：我冇打比你、要你擔心係我唔岩。不過，我真係去左阿生度嘛。我地咩都冇做過架，只係成晚就係陪佢傾下計咁渣。

儀：我信你咩都冇做過。我亦都唔係怪你同阿生一齊。不過，你要我一個人係度擔心，咁就唔岩啦。況且，你一個人幫得佢啲咩？

聰：老婆！我只係望住阿生，我就知道佢呢幾年有幾唔好過。如果你有個朋友，好似佢咁生活得咁辛苦，你就會明我係有幾咁想幫佢。其實，我都唔知自己可以幫到佢啲咩；不過，佢係我人生中其中一個最好嘅兄弟，我只係知道，我唔可以唔理佢。

******

聰又站在高醫生診療所的街角。高醫生準時的離開她的診療所。

高：哈囉！傅醫生！

聰：我有啲野想問。

高：嗯。我都係咁諗。

聰：唏！呢次同我冇關架。

高：真係？咁上次原來同你有關架？

聰：‧‧‧今趟係我一個朋友嘅事。係一個真係我朋友嘅事。

高： so‧‧‧？

聰： 我個朋友，佢老婆係「57事件」入面過左身，佢當時係喺果艘沉船入面。

高： ‧‧‧

聰：我果個朋友係一個職業潛水員，即係會係災難入面有份救人果啲。我知道佢好似係果一次沉船入面都有份參與拯救。詳情係點我唔知好知，不過我知道，佢應該為左救唔到佢老婆，受左好大打擊。

高：「57事件」距離而家都有成三年幾、四年。佢呢三年幾一直都係咁？

聰：我都唔知。我都係近排至見番佢，望住而家嘅佢，我完全知道咩係「失魂落魄」。我真係覺得佢好似唔見左個魂魄咁。

我同佢係識左好耐嘅舊同學、係好好嘅朋友、亦係好好嘅兄弟，但係我撞番佢果日，佢差啲連我係邊個都竟然唔記得咁濟。

高：唔出奇。好多「災難後創傷症侯群」都會有咁嘅情況。當然，都有啲case會可能有啲更加嚴重嘅症狀。不過，都係果句，由呢度去度地鐵站果短短嘅幾分鐘，我係冇可能比到啲咩意見你架。你知唔知，佢有冇接受緊啲咩冶療？有冇人幫緊佢？

聰：我都唔知，不過我估應該冇。

唉！我真係估唔到，呢啲咁戲劇性嘅事，竟然會發生係我身邊嘅朋友身上。

高：咁‧‧‧傅醫生，你呢？

聰： 我？我咩呀？

高： 你好嗎？

聰： 我好好呀！冇穿冇爛。OK呀！

高：咁即係表示你咩問題都冇？

聰： 係呀！我而家唯一嘅問題係，我好有可能會比你一次過寄好多單叫我找數啦！哈！

高： 哈！咁你呢排最好留意下你個信箱。

聰： 放心，我會。

高： 如果你個朋友有需要人幫忙，我隨時歡迎你帶佢黎見我。

聰： 嗯。一定！你真係好嘅啫。高醫生。

聰正要轉身離開。

高：聰！

聰：嗯？

高：聰！我係度諗，其實我諗你都應該搵一個人傾下計。我都唔知應該點講，我只係直覺覺得如果你可以將自己啲野多啲同人傾下，會對你比較好。

聰：‧‧‧

高：我地好快又會係我醫務所門口再見架呵？

聰：‧‧‧

高：聰，have a nice day。

******

二人又是躲在生的家中，生的家彷彿成了他倆的秘密機地一樣。躲在這裡，玩著電玩、談天說地，二人不單重拾了以往的好時光；也發現原來電玩中的虛擬世界，也是個跟世界割裂、逃離現實的好地方。

聰現在玩起《勝利十一人》的時候，已經開始玩得頭頭是道。而且生也為了聰的經常到訪，特地額外的多買了一個控制器，跟聰作二人對戰之用。

除了生的家以外，「人山人海咖啡店」也是二人時常碰面的地方。每逢星期二的晚上，只要傅聰有時間，他就會走到酒吧去看生跟 Indelible的演出。

今天，傅聰又在如往常一樣坐在吧檯附近，很投入的欣賞他們的演出。唯一的不同的是，聰怎麼也想不到，今天的他竟然會成為台上演出的一份子。

聰：咩呀？你叫我上黎做咩啫？我黎睇你表演渣嘛！

生：唔係。今晚有啲唔同。各位觀眾，今晚我地有位特別嘉賓，佢係我識左好多年嘅好兄弟。今晚係Indelible & Friends音樂會！

聰： ~~~~~ you sure？！

生：SURE！！

聰：我唱歌好難聽架喎！

生走去台前詢問觀眾。

生：佢話佢唱得難聽！Do you MIND？

台下觀眾反應參差。

生：唏！話之你地鐘唔鐘意丫！黎！除左條呔先啦！

聰：點解呀？

生：除啦！Come on！Is party time！

生跟 Indelible眾人交頭接耳，最終有了決定。

前程錦繡
許志安
作曲：Touch By Yu Chung | 作曲：林若寧
編曲：盧凱彤 | 監製：at17

那年一起靜坐抗議
那年一起玩物喪志
那年一起暗戀然後失戀了默默扶持
那年班長競選才學會政治
當走進大社會
奉獻少　罵戰多
相識接著拆夥
朋友仔沒有幾個　幾個
敵人很多
少一個不算少
多一個都太多
當初唱字母歌
學會的　未算多
終於領悟再多
人跌倒又上一課 一課
校門即使逐一給光陰上鎖
都謹記當初
(夕陽之歌剩低這一首輓歌
想起我當初)
某人新婚席上再見
笑容顯得特別靦腆
那年一起嗌交無奈今天已靜默無言
我們交出那款循例性笑臉
當走進大社會
是與非　右與左
當中價值太多
朋友仔沒有幾個　幾個
聚頭不多
推搪有工作多
多親切都變疏
不想唱勵志歌
勵志歌　勵志麼
彼此背負太多
隨每天習慣經過　經過
為誰奔波獲得比當初再多
比不上當初

台上除了生跟聰以外，還有 Indelible兩位成員一同合唱著。唱到一半的時候，聰看著其他三人，看得傻了眼，因為他就好像看到了當年他跟生、奇、馬三個好朋友混在一起的「好日子」。

******

兩人就在酒吧中廝混到打佯的時份，聰又再次完全的忘記了家中尚有個妻子在家中。

聰：你知唔知我頭先係台上唱緊嘅時候，我見到啲咩呀？望住你同其他果兩個band友，就好似見到，你同阿奇、同馬仔咁。

生：你都係咁覺得？我地踢波就踢得多，下次齊人，我地真係要試下夾一次band至得。喂！好肚餓呀！我知有間打冷收好夜。

聰：你仲記得我地好鐘意打冷‧‧‧幣！完全唔記得左打比老婆添！死！有17個miss call！

生：咁你快啲打比佢，話我地食埋宵夜就番去啦。

聰：喂？老婆‧‧‧sorry呀！

儀：聰‧‧‧你成晚你去左邊呀？我打左成三個鐘電話都搵唔到你。

聰：我知，我知，Sorry呀！我頭先比阿生拉左上台唱左幾首歌呀！所以聽唔到有電話。有人用手機拍低左呀，我番黎比你睇丫。

儀：聰！聰！

聰：咩事呀？老婆，對唔住呀。

儀：聰，你聽我講‧‧‧

聰：嗯。你講丫，我聽緊。

儀：聰，你阿爸佢岩岩過左身。

聰：‧‧‧咩話？

儀：聰，我係咁想打比你，我唔知點做‧‧‧

聰： 咩話？你講多次‧‧‧

儀：幾個鐘頭之前，你媽媽打電話黎，話你爸爸喺浴室度暈左。送到去醫院，救唔到。我地而家喺醫院‧‧‧

聰：等等先，救唔到？冇可能‧‧‧冇可能‧‧‧

儀：聰。你快啲黎啦，我好驚呀‧‧‧

聰：阿囡點呀？

儀：隔離屋幫我睇住佢。

聰：等我。我儘快過黎。

儀：嗯。

聰：嗯。 Take care。

生：冇野嘛？

聰：我爸爸‧‧‧岩岩過左身。

生：過左身？即係死左？

聰：梗係啦。

生：咁你去唔去食宵夜呀？

聰：阿生！我爸爸岩岩過左身呀！

生表現有點兒奇怪。他似乎比聰更不想面對有人剛死去的這個事實。

生：係，係。間打冷鋪收五點。我地而家過去仲有野食。果度啲凍蟹好好食，我想帶你去食好耐。

聰：阿生！你聽唔聽到我講咩呀？我‧爸‧爸‧岩‧岩‧過‧左‧身‧呀！

生：係、係、係。不過我真係想同你去食宵夜呀！一齊去‧‧‧

聰： No‧‧‧‧‧‧‧‧‧‧‧‧no。

二人以「人山人海」作為起點，向著不同的地方走去。

******

追憶
林子祥
作詞：林振強 | 作曲：林子祥 | 編曲： 鐘定一

從前在那炎夏裡的暑假　跟我爸爸笑著行
沿途談談來日我的打算　首次跟他喝啖酒
然而自他離去之後　我問
為何夏變得如冬一般灰暗
為何為何曾共我一起的像時日總未逗留

從前共你　朦朧夜裡　躺於星塵背後
難明白你　為何別去
留下空空的一個地球

徘徊悠悠長路裡　今天我知道始終要獨行
閑來回頭望去追憶去　邊笑邊哭邊喝啖酒
然而就算哭仍暗私下慶幸
時日在我心留低許多足印
從前從前曾共我一起的仍然在心裡逗留

從前誰曾燃亮我的心始終一生在心內逗留

******

聰怎麼想也想不到，原來生所謂帶他去玩的，竟然是他自己的家。

生的家大約六百呎左右，兩廳兩房的間隔，全都四四正正的，很見駛的樣子。家中沒有太多的裝潢。不！應該是說他的家看來似是有裝潢的；不過，似乎是經過很刻意的收拾，把大部份的裝飾都除去了的樣子。

家中有很大量的紙箱，全都整整齊齊疊得高高的。

因為沒有多餘的裝潢的關係，客廳跟飯廳已變得沒有太大的分別，生把兩者融為一體，變成了他打電玩的地方。他將沙發、跟投影機放置在客廳的一端，然後就把投影機的影象投到對面另一端的飯廳的牆壁之上。形成了一個很大的投影區域，好像一個私人大影院似的。

聰： 你究竟搬左黎幾耐架？

生： 四年。

聰： 咁借問聲點解你唔將你果啲野拆箱呢？

生： 岩岩pack 左冇幾耐，做咩要拆？

聰： 岩岩pack？你諗住裝修呀？

生： 唔係。

聰： 唔係？你睇下你，個廚房油又一半，又成地都係啲架撐，唔係裝修要搞黎做咩呀？喂！你屋企都收埋幾多戲架喎！

生： 係呀！有三千幾套到啦！

聰： 嘩！三千幾套，你一日睇兩套都夠你睇成四年幾、五年喎！你真係每一套戲你都有睇晒架？

生： 嗯。點都有一兩套冇睇過嘅。其實少左架嘞。以前LD同錄影帶果啲好多都壞晒睇唔番。

聰： 嘩！你有咁多Wim wenders架？我好鐘意佢果套Wings of desire架。

生： 咁你要睇埋Until the End of the World同Far away, so close。三部夾埋都算係Wim wenders嘅天使三部曲。好正！好精彩！一定要睇。

聰： 你睇過咁多，咁你有冇啲咩係最鐘意架？

生：我啲taste好奇怪架喎。大部份大片我唔多鐘意，但係我又唔鐘意啲太藝術嘅戲。好多藝 術片呢，好多時候都太扮野，啲節奏有時又真係太慢。只要你同觀眾溝通唔到呢，你自己更有野都冇用。所以，我好鐘意啲唔扮野嘅戲，又可以令觀眾睇得開心，又 有啲野想去探討，有啲野想講咁就最好。所以，我好鐘意杜琪峰、爾冬陛、David Fincher、Gus Van Sant。佢地差唔多冇令我失望過。

聰：你睇下你，你睇下你，你條友一講你自己鐘意果啲野呢，好似變左另一個人咁。咩呀？你平時唔係好cool架咩？哈！

生裝作沒有聽見，徑自的在他的PS2前坐下，繼續打他的電玩《勝利十一人》。

聰： 你廁所係邊呀？

生： 後面，走廊盡頭。

聰其實並不是特別想去廁所，他只是想找個籍口去窺探一下生的家。他發現生的家除了有很裝封了的紙皮盒、一間正在裝修的廚房外，還有一間有鼓有結他，設備齊全的音樂房，除了這些，這個所謂的家，可以說是什麼也沒有。

他靜悄悄的走了一趟以後，最後生的身旁坐下，看著生在打他的電玩。

聰： Winning 黎架？靚左咁多嘅？

生： 你唔係未打過呀？我記得你果陣有打機架？

聰： 我好耐冇打機啦。

生： 我地以前唔係好鐘意打足球game架咩？

聰： 係喎！果陣我同你、仲有阿奇、馬仔四條友，成日都係阿奇屋度打架啦！打水泡餅嘛！輸一球食一粒！馬仔試過輸左一盤一次過食六粒添。你知啲水泡餅架啦，又粉、又難吞，愈食愈口乾，唔飲水又唔係，飲水又發喎。

生： 係，係，係‧‧‧冇錯，水泡餅。唏！你睇唔睇到呀！呢個球員個名？

聰： Jason？

生： 係呀！Jason，即係你呀！我用緊呢隊波叫dreamwork！

聰： 唔怪得果次你話，你仲有同dreamwork踢波啦！你條自閉仔原來匿埋係屋企打Winning當自己真係去踢波。你條友真係冇得救架嘞。借黎玩下啦！

生： 你睇下我點玩先啦！

聰： 咪同以前差唔多。黎啦！攞黎試下！

生： 嗱！我先警告你好易上癮架。

聰： 你放心，咁大個人，好少野可以令我上癮嘅。

生： 睇下點。

生： 你有幾忙呀？你以前咁鐘意打機都唔打？定係老婆唔比呀？

聰： 我似怕老婆果啲咩？

生： 似。十足添。

聰： 似你個頭。果陣讀醫邊會有時間打機丫。之後，我就有好多時間用晒去做研究。根本就唔會有啲咩空閒時間。

生： 有咩野要你係咁去研究呀？

聰： 我研究嘅野勁囉~~我研究「脱氧核糖核酸」嘅分解與重組。

生： 咩呀？唔好蝦我唔識野喎。「脱氧核糖核酸」即係DNA。DNA點分解、重組呀？

聰：要解呢樣野比你聽其實就有啲復雜，要由另一啲野開始講起。你有冇聽過「費城計劃」呀？

生：美軍係1943年果個「費城計劃」呀？

聰：你講出，咁即係你聽過啦。「費城計劃」係美國佬想用一個好強大嘅人工磁場，去令一艘軍艦憑空消失，然後又再係特定嘅地點度出現。

生：呢啲咁嘅軍佬研究埋啲咁嘅野，咪又係為左打杖。佢地想人地見唔到佢地，就可以突襲人地渣嘛。

聰：你都可以咁講。個實驗某程度上係成功嘅，因為隻軍艦的而且確係費城度消失左，而且又係同一時間距離600公裡遠的維吉尼亞州諾福克基地度出現。不過，失敗嘅係，佢地固定唔到隻軍艦停係諾福克基地果度。期間，隻軍艦係唔同嘅地方，消失、出現、消失、出現過好多次。最後，軍方因為佢地覺得佢地自己駕馭唔到個實驗，而且要冒太的嘅危險，而將整個計劃冇限期咁擱置左。

生：嗯。我仲知道，聽聞大部份有份參與，係艦上面嘅士兵，之後全部都出現左好多、好嚴重嘅後遺症。有好多人痴左線，有好多人唔知點解忽然死左。剩番有啲呢，佢成個人嘅磁場改變左，變成左有好大嘅磁力，就好似X-men入面果個磁力王咁。

聰：其實唔止架。仲有啲官兵呢，係會日光日白，我同你咁坐係度傾緊計嘅時候，忽然咁消失。然之後又忽然咁係唔知邊到出現。

生：哦！你研究果啲咩「DNA點分解、重組」就係研究呢啲呀？

聰：類似啦。

生：呢啲咁嘅野有咩好研究呀？似乎衰多過好喎！成個實驗似乎係災難，多過似係一個有建設性嘅實驗。

聰：不過，你有冇諗過，點解果啲人會忽然咁消失、然後又忽然咁出現丫？

生：就係因為佢地分解之後又重組過，成條DNA出左問題？

聰：聰明！岩左一大半。雖然，美國果邊好刻意咁隱暪左呢件事；不過，喺一次好機緣巧合嘅情況下，比我遇到一個當時係軍艦上面嘅一個官兵。

生：咁我估佢都好老架啦喎。

聰：唔係。佢好後生，而且仲係著住軍服嘅。

生：咪住！你想話我知，你係呢個年代遇到一個屬於1943年嘅人？

聰：唔好話你丫，連我自己都唔信。不過，係果個美軍消失左次後，我跟據佢同我講嘅資料，我查到，佢係我地呢個年代都仍然在生。

生：咁你有冇去到搵佢呀？

聰：有。

生：咁佢認唔認得佢見過你呀？

聰：記得。佢仲好記得好佢係1949年見過我。

生：Wow！

聰：‧‧‧你信我講嘅野架何？

生：信！點解唔信呀！如果你真係呃我都好，個故仔咁精彩咩都抵番啦！何況，我得你呢個朋友渣嘛，你講咩我都會信。咁之後呢？你搵到佢，佢今趟應該真係好老啦！

聰：係。我說服左佢比我地做左呢檢驗。佢除左外表比佢真實年齡老之外，佢其他基能都同佢本身嘅年齡非常配合。單從表面睇，我地亦都睇唔到，佢有任何嘅異常。之後我地檢查左佢嘅DNA，可能因為分解同重組過嘅關係，佢DNA入面嘅其中一條基因，係同我地平常人非常之唔同。

我地試過將果條好唔一樣嘅基因排序過，然後再套用係老鼠身上，你估唔估到個結果係點？

生：結果係，隻老鼠同果個人一樣，可以憑空消失，然後唔係係邊度出現。

聰：Bingo！而且佢唔係憑空消失咁簡單，佢應該每一次消失都係一次：「時‧間‧旅‧行‧」！

「時間旅行」四個字，在生的腦海中盤旋不去，引發了他無限的想象。

聰：喂！你冇野呀？成個人呆晒咁嘅？

生：冇！係呢？咁你而家做咩做番私家醫生呀？

聰：唔知點解我地個研究比政府知道左，亦都唔知道我地個有研究有咩會影響到佢地，不過總之佢地搵人「勸」 我地停止研究，搞到我地差啲有連命仔都冇埋。

生：好威喎！得罪政府。咁之但係你都可以自己私底下做架嘛。

聰：咁有 好多數據、好多野係唔可以只係匿係屋企度做。實驗需要啲好多嘅儀器，係一定要有研究所支援。其實近排都有研究所聯絡過我，不過，佢地係棣屬一個反政府嘅團 體。幫佢地即係同政府為敵。雖然，我對政府當初咁對我非常之唔開心，其實我係好應該把握果次機會，做埋果啲未做完嘅野。不過，最後我同我老婆傾過，佢話咁 難得先穩定落黎，唔想又要再擔驚受怕。

生：都話係怕老婆架啦。不過咁，醫務所都唔係差。

聰：係穩定啲嘅。不過啲拍檔衰果度死呢！

生：咁咪唔好靠佢地，自已做囉。

聰：你知唔知而家啲診所係由大集團包晒黎做，唔join佢地好難自己經營。所以，而家有合伙人，點都比自己同果台啲連鎖大集團單打獨鬥好嘅。

講多樣得意野比你聽丫，今日我比個病人寫左封信去我醫務所，威脅要告我呀！

生：告你咩呀？醫療失當呀？

聰：唔係。告我對佢多次作出性騷擾！

生：哈！哈！哈！哈！哈！冇可能！你唔係啲咁嘅人！

聰：哈！‧‧‧多謝喎！件事係早幾日前佢黎「扮」睇病，佢同我講埋一堆：「咩睇我個樣就知我好寂寞」之類咁樣嘅野，仲話呀，如果我唔介意嘅話，佢唔介意係診所度同我「做」。

生：嘩！「做」？係醫務所果度「做」呀？

聰：我梗係冇理佢啦，我仲即刻趕左佢走添。點知今日就收到比人告嘅信嘞！

生： 嘩！係醫務所「做」？我係你就試下嘞！

聰： 點呀！咸濕仔！家下我比人告呀！

生： 你應該話比佢知你結左婚，仲有個好惡嘅老婆。

聰： 講左啦！佢根本就唔聽。仲有呀！我啲partner連件事了解都唔了解，剩係知道如果我比人告就會影響生意，好大鑊咁。喂！大佬！我而家人屈呀！我同佢妥協咪即係話我有同佢「做」？

生： 咁你叫你啲partner 同佢做囉！

聰： 你冇見過佢地渣，佢地唔係更年期，就係不舉架嘞，點做丫。唉～～～我真係忍夠佢地。我而家每次見到佢地，都不知幾想見鑊打鑊！

生：咁果個女人得唔得架？

聰： 嘩～～咩你咁架？不過，話時話其實OK架！

生：哈‧‧‧食得唔好嘥呀！兄弟～～

聰：頂！又比人入一粒啦！有冇咁難玩呀！

生：黎，拎黎先！放低陣！睇下我點玩。慢慢黎！你話晒咁耐都冇打過機。

聰：No！你唔好係度咁多野講！教我！OK？

生：我記得頭先好似有啲人話自己唔易上癮架～

聰：一係你攞多個制黎雙打啦！

生：冇喎！我係得一個制渣喎！

聰：咩呀？點會只係得一個制呀？

生：咁我一嬲都係自己一個人玩渣嘛！買多個制有咩用呢？

聰：點呀！死自閉仔！

******

註：

費城實驗

費 城實驗（英文：Philadelphia Experiment）是一項流傳已久的傳聞，宣稱美國海軍在1943年10月28日曾在賓夕法尼亞州費城一船塢舉行秘密實驗，使一艘護衛驅逐艦埃爾德裡 奇號（USS Eldridge DE-173）在觀察者眼中隱形。該實驗也叫費城計劃，又稱彩虹計劃。所有參與計劃的船員都否認曾有任何事件發生，除了一位目擊者宣稱目擊了整個實驗發生 的經過。由于沒有任何直接證據（美國機密文件滿50年便宣告解密），且實驗內容缺乏嚴謹的科學理論基礎，費城實驗傳聞的真實性因而普遍受到質疑，並被認為 是單純的都會傳奇。傳聞指出，費城實驗是由富蘭克林·雷諾（Franklin Reno） 博士帶領的軍事應用，是根據愛因斯坦的統一場論或萬有引力的廣義相對論，此理論假設磁場、電磁波跟地心引力互有關系，根據個理論在透過特別的儀器和足夠的 能量，能夠使光線彎曲，而讓實際的物質變成隱形。美國海軍認為這個應用在戰時有極顯著的價值（當時正值美國參與二次大戰的期間），所以認同並贊助這個實驗 的進行。一艘美國海軍護衛驅逐艦埃爾德裡奇號在美國海軍的船塢，配備強力的磁場產生機準備進行這個實驗。

據 報導，這項極成功的海上實驗造成了一個看不見的橢圓形磁場，每道磁光的射程郁有一百碼之遠，水中的船隻因此變成一種形象，但那不是船本身的形象。當磁力增 強後，一些水手開始消失，你必須觸摸才能察覺到他們的存在，若要使他們現形，必須用「治療者用手觸摸病人」的治療法才行……但想完全復原卻是個困難的問 題。據說有些人進了醫院，有些人死亡，而其餘的則精神失常。這些人的超自然能力似乎變得敏銳了，有些人身上至今仍留有實驗的反應，不論在家裏，在街上，在 酒吧間或飯店裏，都會突然地消失又重現，而令旁觀者驚駭不已。另外，當實驗結束，船正泊岸時，鑼盤針突然爆炸，而使攜帶它上岸的人遭了殃。

有句話，我們可以相信，人類正站在宇宙的入口處，人類對宇宙已有了某種試驗性的進展，但為了加速發展毀滅性的武器，各國磨拳擦掌，不再作進一步探究宇宙的工作了。耍想繼續探討我們的銀河和別的銀河，必等待新觀念的發展──就是將物質投入另一度空間，並橫越實際太空的觀念。

******

傅葉謝鄧醫務所內，由於不是旺季的關係，來求診的病人很少，因此傅聰在他的診療室內非常的清閒，清閒得他可以拿起一支高爾夫球球桿，練習揮桿的動作。

正當聰練習得興起的同時，葉、謝、鄧醫生不作知會就自顧的走入了傅聰他的診療室。

葉： 傅醫生，想阻你少少時間，冇問題呀呵？

聰：    有問題都唔得啦！唔通叫你地出番去咩？不過，你地下次入黎之前可唔可以先敲一敲門呢？

謝： 傅醫生，我地今日岩岩收到一封信。

聰： So‧‧‧‧‧?

鄧： 封信係同你有關係嘅。

葉： 傅醫生，你之前係咪有位病人叫樂曦兒？

聰： 嗯。

葉： 佢記左封信黎要脅我地，要脅要去報警。

聰： 報警？報咩警呀？

葉： 佢係封信話入面話要告你對佢作出過多次嘅性騷擾。

聰： No！唔係嘛？有冇咁荒謬呀？

謝： 我向A姑娘查証過，果位B小姐係一位好索、好有魅力嘅女仕。

聰聽罷覺得難以罝信。

聰： So what？呢個女人係痴線架！Ok？佢根本就冇病，你知唔知佢黎做咩呀？佢黎同我講，佢話覺得我好寂寞，佢話唔介意同我係診所度‧‧‧「做」呀！

葉： 我唔理個原因係咩，你一定要擺平呢件事。

鄧： 我地揹唔起比人告嘅呢個風險。件事揚左，就算邊個岩邊個錯都好，對診所都唔會有咩好處。而且，出啲咁 嘅事，生意實會有好大嘅影響。所以，我唔理你點搞都好，都一定要搞掂呢一件事。

聰： 唏！發生啲咁嘅事，你地唔係應該企喺我果邊撐我嘅咩

謝： 我地都好想幫你，不過，我地唔知點幫好。

葉： 唔係撐唔撐你嘅問題，咁大個人，自己嘅事自己解決。你亦都唔好影響到人，我地冇義務承擔由你出黎嘅問題。Ok？

聰： ‧‧‧我會好好咁處理。

******

離開醫務所，聰漫無目的的在街上走著。忽然，他被一位上了年紀的女士叫住。

母： 傅醫生。傅醫生！

聰： 林太？咁岩嘅？你好耐冇黎幫襯過我啦喎！即係身體應該唔錯。好事、好事。

母： 傅醫生，你得唔得閒呀？我請你飲杯野丫。

聰： 我過左工作時間啦喎！我唔慣係街幫人睇症架喎！哈！

母： 嗯‧‧‧我唔係想搵你睇症。

聰： 唔係睇症？咁你搵我有咩事呀？

母： 我‧‧‧我係靳鉄生嘅外母。

兩人買了杯咖啡，在一個公園坐下。

母： 個世界好細呀呵？

聰： 嗯。我真係估唔到你竟然會係阿生嘅外母。係呢？咁你點解又會知我識阿生嘅？我都冇見你之前黎睇病果陣提過。

母： 其實我都係近排至知。有一日，我見到你同生一齊去佢會有表演果間Cafe。我見到你果下都好驚訝，原來我成日睇果個醫生，同阿生係識架喎。

聰： 我同佢識左廿幾年啦！我地係小學同學。不過呢幾年少左聯絡。我都係近排至撞番佢。咁你今趟黎搵我有咩事呀？

母： 你識唔識佢嘅屋企人架？

聰： 我只係知佢嘅父母同佢細佬係我地讀緊中學果陣就移左民，都好多年啦，而且好少番黎。我知佢早幾年結左婚，不過，佢結婚果陣都冇叫我地去。「57事件」發生左之後，我都係睇報紙先知佢而家係幫軍部做緊職業潛水員，而且佢仲要係一個技術好到有世界排名嘅潛水員。不過，點勁都好，好可惜，佢最尾都係救唔到佢老婆 – 即係你個囡。發生左呢件事之後，我同佢兩個friend，用好多方法搵個佢好多次。不過都係冇咩用，佢就好似有心避開我地、人間蒸發左咁。直至到最近竟然比我係街度就咁遇到佢。我知嘅就係咁多。

母： 我諗佢唔係剩係想避開你地，我諗佢係想避開全世界。自從件事發生左之後，佢成個人都變晒，佢唔去做野，對件事提都唔提，佢有時仲好似完全唔記得晒所有野咁，唔記得我個囡、唔記得我同我老公。

聰： 係。我都覺得佢好似唔記得左好多野咁。

母： 我地都有keep住去搵佢，不過佢就每一次都唔理我地。我都其實都冇咩野想，佢而家得番一個人，我地不過係想關心佢多啲，同埋我地怕佢會比人呃啦。

聰： 比人呃？

母： 啲保險金同埋政府果啲賠償。阿生而家咩都唔會都有足夠嘅錢過埋佢呢一世架。

聰： 嗯。我明你想講咩。之但係，你驚佢比人呃，但係你又話比我知，係咪有啲矛盾呢？

母： 醫生，睇左你咁耐，我直覺覺得你係一個好人。同埋，果日我見到你同阿生係條街度，我好耐冇見過佢咁輕鬆。所以，我諗你係可以幫得到佢。你有時間同佢傾下丫，勸下佢，佢要專門冶療，佢要家庭嘅溫暖。你知嘛？而家就只有我同我老公至係可以比到佢溫暖嘅屋企人。

聰： 嗯。我即管試下。

母： 唉‧‧‧本來我地諗住，到左呢個年紀，都係時侯可以享下清福。點知估唔到，一次沉船，我地嘅世界會完全變晒。

******

聰正在廳中的用手提電腦在網路上漫遊，他的妻子儀剛從廚房拿了一盤沙律出來，一副吃得津津有味的樣子。

忽然，有人大力的敲門。大力得好像急不及待的樣子，好像急得連門也快要打破一樣。儀從大門的防盜眼中向外窺望。

儀： 老公，你睇下，個人個樣好熟面口，好似係阿生。

聰： 係！係佢。

聰滿帶狐疑的把大門打開。

聰： 生！咁夜嘅？

生： 夜？十點半渣嘛。

聰： 夜架啦！我同我老婆慣左十一點就訓。

生： 十一點？你有冇悶啲呀？

聰： 健康啲嘛！咪住！你唔係諗住又搵野潑我呀？

生： 潑咩呀？我邊有搵野潑過你呀？

儀： 嗨！阿生！你好！

聰： 生！呢個係我老婆，佢叫阿儀。

儀： 我地好耐之前見過一次，不過，我諗你唔係好記得架嘞。

生： 我真係唔記得我之前有見過你。

儀： 唔緊要，nice to meet you‧‧‧again。

儀伸手想去跟生握手。不知是生沒有看見還是為啥，他只是繼續把手插在口袋中而已。

聰： 係呢！，生！你黎搵我做咩呀？

生： 黎呀！出去玩丫！

聰： 而家？

生： Sure！Come on！Go！佢出唔出得去呀？你放唔放佢出去？

聰：唏！生！我出唔出去玩唔駛問準我老婆！OK？我又唔係七歲細路仔！

生：OK。咁你出唔出得去呀？

聰看著他的妻子，就好像小時候每次跟母親對峙，又想去玩、又怕母親的樣子；妻子則有點意味深長的回看他。

究竟是否真的不需要問準一下呢？

******

生帶著聰來到了一間咖啡店。這間咖啡店是除了喝咖啡以外，還會有簡餐提供的那種。咖啡店的面積雖然不大，但是卻有個小小的舞台。每天晚上，都會有很多不同形式的表演團體在那裡演出。雖然說不上每次都高朋滿坐，但至少為不少有志從事表演的朋友提供了一個很好的場地。

咖啡店有一個每一位表演者看見，都覺得很有意思的名字：「人山人海」

今天晚上的「人山人海咖啡店」內，也有一隊樂隊正在為演出作最後的準備。

生： 聰。你自己搵個地方坐，隨便叫野飲，你話你識我佢地會唔收你錢。

生來到時間似乎比預定的有點晚，演出的樂隊中的貝斯手對生的跚跚來遲有點微言。

貝： 喂！你有冇遲啲呀？

生： 唏！咪咁啦！問你個問題。

貝： 又係你果啲IQ題呀？

生： 你知唔知星期日，邊度最多菲律賓人？

貝： 梗係皇后像廣場啦。

生： 嗯。錯！

貝： 點會錯呀？

生： 梗係菲律賓啦。次次都錯。仲蠢過隻豬。Ok。大家準備好未？

眾： Ready！

******

結束開始
陳奕迅
作詞： 黃偉文 | 作曲：韋懋達/韋懋騰
編曲：Chinese For Double C.Music Group

過一天　就少一日
看一章　就少一幕
你越快樂　嘆時間越短　歡笑加速寂寞
既然知道　年月正萎縮
如何還能　給生日慶祝
當我太過悲觀　然而定局　要怎顛覆

為什麼一出生經已想哭？
也許知道正逐步　行近結局
像倒數　若果一得到　已在失去
會否一切　在最開始　就已開始結束

這一生　或者一出發　已在歸去
至少不會　沒有開始　就草草結束

完好的　逐一損壞
年輕的　逐一衰弱
有時送舊　也無法換新　興建加速沒落
旅途終結　全是大峽谷
誰能停留　高峰上慶祝
送我搭上　方舟　仍無大陸　哪可不哭

為什麼一出生經已想哭？
也許知道正逐步　行近結局
這一生　或者一出發　已在歸去
至少不會　沒有開始　就草草結束

******

生： 多謝大家！我地係 Indelible 。今晚，我想送一首歌比我一個朋友。我個朋友叫阿聰。佢係我一個我識左好耐嘅朋友。佢今晚都坐左係度。你地可唔可以比啲掌聲佢。Hey！Jason！Here is a song for you。

******

最佳損友
陳奕迅
作詞：黃偉文 | 作曲：Eric Kwok | 編曲：Eric Kwok/Jerald Chan

從前共你　促膝把酒傾通宵都不夠　我有痛快過你有沒有
很多東西今生只可給你　保守至到永久　別人如何明白透
實實在在踏入過我宇宙　一起走到了　某個路口
是敵與是友　各自也沒有自由　位置變了　各有隊友

問我有沒有　確實也沒有　一直躲避的藉口　非甚麼大仇
為何舊知己　在最後　變不到老友
不知你是我敵友　已沒法望透　被推著走　跟著生活流
來年陌生的　是昨日　最親的某某

早知解散後　各自有　際遇作導遊
奇就奇在接受了　各自有路走
卻沒人像你讓我　眼淚背著流
嚴重似情侶　講分手

有沒有　確實也沒有　一直躲避的藉口　非甚麼大仇
為何舊知己　在最後　變不到老友
不知你又有沒有　掛念這舊友　或者自己　早就想動頭
來年陌生的　是昨日　最親的某某
總好於那日我沒有　沒有　遇過某某

******

之後有一個女歌手，接著Indelible 繼續表演。生就從表演台到走到吧檯，坐在聰的一旁。

聰： 睇唔出你條友而家木木獨獨咁，啲歌又唱得幾好聽喎。咩呀？你而家改行唱歌咩？

生： 唔係。佢地識呢度個老闆，個老闆好鍾意音樂，想呢度可以多啲Indie Band聚腳。Indelible 佢地逢星期二都會係呢度唱。佢地玩得好好。

聰： 你都唱得好好。

生： 唔係啦。

聰： 係 呢？點解你唔彈結他嘅？你知唔知我諗起啲咩？我諗起你中學果陣已經成日攞住支木結他係度彈。你條友果陣成日都係度彈咩Beatles呀、Beach boys咁，果陣得果十幾歲，Beat咩les丫，果陣梗係Sudue呀、Oasis咁架嘛。你啲taste都係古靈精怪。

生： 係？我唔記得我果陣有彈過吉他。

聰： 吓話？等我搵日搵番張黑膠Beatles比你聞下，或者你會記得番起。哈！

聰： 你知唔知我有幾耐冇咁夜出黎蒲過呀？結左婚之後都好少出去玩。其實唔係老婆唔俾，佢亦都冇咩出過聲。不過其實我都冇咩去玩嘅癮。同埋，自從阿奇唔係香港，過左美國之後，我都冇咩同朋友一齊去兜下風、飲下野。

生： 奇‧‧‧我好耐冇諗起過呢個名。呢個名好令人懷念。

聰： 你呀！你呢啲做兄弟做到你咁夠唔係啦！兄弟都唔記得！

生： 係啦。我呢幾年唔記得左好多野。

聰： 喂！死仔！我係度睇好耐，呢度啲女幾得喎！你條友實溝唔少啦！

生： ‧‧‧你做咩咁樣問？

生的眼神開始有點意銳利起來。

聰： 冇！咁兩個人傾計梗係咁搵下話題架啦。何況咁你而家單身，有咩唔做得啫。係咪？

生： 咩單身？

聰： 生！咁你屋企人‧‧‧唏！件事都過左咁多年啦‧‧‧

生： 咩屋企人呀！你想講咩呀？

聰：    Ok！Ok！當我講錯野Ok？我只係想搵個話題講下、吹下水啫！唔岩聽咪唔講囉！

聰暗付自已為何這樣的不小心，把話題帶到了兩人中間一直維持著，不敢觸碰的領域。只是，生的反應卻遠遠超出了他的可以想像的領域。

生： 邊個派你黎？邊個派你黎架？係佢地派你黎架？我問你呀！係咪佢地派你黎呀？

聰： 你講咩呀？

生： 哦～～！你係醫生！佢地派你黎嘅！你係專家！

聰： 係，我係醫生，不過，我唔係啲咩專家！

生： 唔好係我面前講大話啦！你做咩呃我！扮晒野咁黎呃我！

聰： 生！冷靜啲！唔好咁激動！全世界都望晒過黎啦！

生： 答我問題呀！答呀！你係度咁樣問我係有啲意思吵呀？

聰： 唏！生！Relax！

生二話不說就把檯上的飲料撥到聰的身上。

生： 點解呀？點解呀？

聰： 唏！你究竟咩事呀？！

生： 你地點解要咁迫我呀？

生的激烈反應引來了酒吧所有人的注意。碰巧剛唱完了一曲的女歌手想把氣氛緩和一下。

女： 我唱得唔好你都唔駛咁鬧事架！我知我唱得唔好！不過，我冇呃你架！我一入隊就話左你知我唱得唔好架啦！

聰為了不想再刺激生，決定離開。

生： 同我話比佢地聽！叫佢地唔好再黎煩我呀！

******

終於在某一個街角上，聰追上了提著油漆、帶著耳機、步伐有點蹣跚、霎眼看有點街上的遊魂的靳鐵生。

聰走近了他才敢拍一下他的肩膀，生怕從背後拍他會把沉在耳機中的他嚇壞。

他很慢的回頭，打耳機拉下，目光有點散渙，沒有焦點。

聰： 生！我幾日前喺街度見到有隻大粉紅兔喺街派傳單，隻大粉紅兔除底左個隻大粉紅兔頭，我竟然見到入面果個人係你喎！不過，當時條街有好多人呀。我好大聲咁係咁叫你架嘞！可能太嘈，又太遠你聽唔到啦！同埋我又要趕住去湊個囡放學，所以冇追上去搵你。哈！估唔到又比我撞到你！哈！真係橋！

生： 係？真係橋。

聰： 靳鉄生！好耐冇見你啦！你呢排點呀？

生： 嗯‧‧‧我地識架？

聰： 我地識架？你玩野呀？我呀！聰呀！傅聰呀！我同你係小學就開始識架啦！我地中學果陣成日一齊踢波架！你點會唔認得我呀！

生： 真係？cool‧‧‧見到你真係好呀，「奇」！

聰： 係‧‧‧係，我地真係有個freind叫阿「奇」，不過我係聰，阿聰呀！生！你真係唔記得左我？

生： 我地係中學同學？

聰： 你記唔記中學我地有次去camp呀，你沖涼果陣唔知做咩唔記得鎖門，我地衝入黎影你相呢！你果陣用個花洒遮都遮唔切呀！哈！

生： 係？

聰： 緊係啦。係呀。你家吓仲係做喺潛水員呀？

生： ‧‧‧

聰： 我地dreamwork個個人都好掛住你架。我地試過發散人去搵你，搵極都冇係消息。點知原來你就係我診所附近出沒。係    呢！咁你而家仲有冇踢波呀？

生： 有。dreamwork嘛。我仲有成日同佢地踢波。禽晚我地先嬴利物浦二比零。

聰： 吓？咩呀？

聰看了一錶。才不是太晚的時間，今晚他跟妻子沒有什麼多大的約定，只要打通電話回去，晚一點回家應該不是什麼問題。

聰： 你今晚有咩做？不如我地去飲杯野丫？而家呢個時間岩岩好happy hour。

生： 飲野？我唔飲酒‧‧‧我唔飲酒‧‧‧

生看了一錶。才不是太晚的時間，不過他好像還有很多活兒要等著他幹的樣

生： 我要走啦。

聰： 唏！我唔係話我地去飲酒呀。咁早我都飲唔落啦。不如去茶餐廳飲杯咖啡、食啲野丫。黎啦！一陣啫。咁耐冇見，敍下舊 嘛。

******

二人終究都沒有去茶餐廳，而是二人各買了一份三文冶，一杯熱飲，來到了一條通往公園的樓梯旁。

聰隨便的找了一個梯級坐下。生選擇了一個比聰低一點的位置。

聰： 又會間間茶餐廳都咁多人嘅？不過其實買外買都唔錯丫，咁樣食另我諗番起我地中學果陣lunch為左踢波就    咁買個包係球場旁邊食。

生： ‧‧‧問你個問題。

聰： 好呀！

生： 有一日，大雄考試零分，番到屋企，又比媽媽罰佢跪。大雄當然又去搵叮噹。叮噹就係佢個百寶袋度攞左樣法寶比大雄。法寶一出，大雄就唔駛跪。你知唔知果樣法寶係咩？五個字。    日常生活你一定會用到，有啲人仲可能每日都用。屋企冇，剩係喺街先會見到。

說罷，生拿起一份乳膠漆的色版，左顧右盼的湊湊拼拼。看似對色版上的顏色三心兩意似的。

聰： 喺街度，成日用？有果件法寶就可以唔駛跪？

聰： 有冇貼士呀？條街咁大，有冇得縮細啲個範圍呀？

生： 地鐵站。

聰： 地鐵站？ 地鐵站會有啲咩呢？月台、電梯‧‧‧五個字？自動‧‧‧行人電梯咁呀？

生： 類似。不過「自動行人電梯」有六個字。

聰： 哈！係咩？「自‧動‧行‧人‧電‧梯」，係喎！哈！

生仍然專注埋首的在色版之上。

聰： 咁你呢排做緊咩呀？係咁揀色，幫人裝修、定係自己裝修呀？

生： 你話我應該揀魚肚白定珍珠白好呢？我試過米黃色，不過我唔係好鐘意。

聰： 你攞黎油咩啫？

生： 估到未呀？

聰： 未！我要多啲貼士！

生： 仲唔夠。

聰： 地鐵喎！地鐵有幾多野啫！月台、列車、電梯、入閘機、客戶服務中心‧‧‧客戶服務中心！！

生： 地鐵站，除左入閘機，仲有呢？

聰： 鋪頭果啲囉！

生： 咩鋪頭？

聰： 涼茶鋪、西餅鋪、銀行‧‧‧

生： 銀行。

聰： 櫃員機、入票‧‧‧ 咪住！櫃員機‧‧‧櫃員機！自動櫃員機！！！

生： 成個小學咁。

聰： 咩啫！咁我同你真係小學同學丫嘛！

生： 小學同學‧‧‧咁真係好耐之前嘅事。好似成個世紀之前咁。

聰： 咪就係。真係好似過左成個世紀咁。

生： 傅聰‧‧‧

聰： 嗯？

生： 聰，我真係好開心可以見番你。

聰： 我都係。我都真係好開心可以見到你冇穿冇爛。

二人默然無語了一會。然後生好像忽而的想起了些什麼似的。

生： 而家幾點呀？

聰： 就快九點。

生： 黎。我帶你去一個地方。

生沒有理會聰準備好離開了沒有，就徑自的離開。

******

傅葉謝鄧醫務所。

傅聰醫生坐在診症室的辦公桌前，將上一位病人的病況及由他所開出的藥物的資料輸入電腦存檔。

護士在站打印機旁等侯著傅醫生打印的藥方，然後到藥劑部為病人配藥。

護士在等候的同時，翻閱著下一位病人的資料。

護： 下一位病人叫樂曦兒，女性，24歲，冇發燒。冇之前記錄，應該係第一次喺呢度睇。

聰把剛打印好的藥方交予護士。

聰： 唔該。可以叫下一位病人入黎。

護士打診療室的門打開。

護： 樂曦兒，可以入黎見醫生。

然後，護士從診療室的另一扇門離開。

兒在醫生桌旁的一張椅子上坐下，把她那大大的手袋放在椅子之下。

聰： 樂‧‧‧小姐？

兒： 你叫我阿兒得嘞！親切啲嘛。

聰： OK。我係傅醫生。

兒： 我知道。我成日都係呢頭見到你，我喺電梯度都撞過你幾次。

聰顯然對這個病人的話題不太感興趣，自顧的對著電腦準備為這個新來的病人打開一個全新的檔案。

聰： 係？OK。你見邊度唔舒服？

兒： 係呢？你結左婚未？我留意左好耐都冇見過你有戴戒指。

聰： 我結左婚架嘞。小姐，我有咩可以幫到你？聽姑娘講你冇發燒？咁你有咩地方見唔舒服？婦科問題？

兒： 你呢度應該唔止剩係睇婦科。不過，我果問題‧‧‧都‧‧‧應該可以算係婦科嘅問題掛嘅。

聰： 係。我地呢度係屬於全科。不過，有啲咩專門嘅問題我地都可以轉介病人去睇唔同嘅專科。咁你究竟有啲咩問題？

兒： 我‧‧‧我都唔知。不如你話我知。

聰： 嗯‧‧‧咁你近排有冇咩唔妥？有冇邊度會唔舒服咁？

兒： 醫生呀？你呢度冇開冷氣呀？點解好似咁熱咁嘅？

聰： 小姐呀？我地呢度個中央冷氣禽日先整番好，我今日凍到打晒冷震。

兒： 係？不過我真係覺得好熱喎！熱到呢‧‧‧熱到我「濕」晒呀！

兒說罷把外套除下，只穿了一件很少的小背心。

聰： 小姐，你咁樣小心冷親。同埋，究竟你可以話到比我知，你有咩唔舒服未呢？

兒： 嗯‧‧‧醫生呀，我左邊個乳房中間果度呢，好似有啲野硬起左呀，我有啲擔心我會有cancer呀！不如你幫我檢查下丫。

聰： 咁呀‧‧‧你等一陣，我叫姑娘入黎幫手。

正當聰準備拿起電話的同時，兒用手按住了電話。

兒： 我每次喺附近見到你嘅時候，你都總係好似好忙、好多嘢諗緊咁。有時見到你同你其他同事一齊食飯咁，我都覺得你好似好孤獨、融入唔到佢地咁。我不知點解，每一次見到你都有一種好熟悉嘅感覺。

聰： Ok！Well！小姐，首先，我唔係心理醫生；你想搵人傾計呢，我未必咁幫到你。另外，我估我亦都冇需要要去睇心理醫生。我係一個醫生，有時行緊街諗下病人嘅病情，或者自己一個人食下飯，我覺得好正常。我亦都唔覺得我同我啲同事有啲咩隔膜。

小姐，如果你冇咩事，我覺得你可以離開。因為就咁睇我唔覺得你有咩病。何況，我地呢度係私家醫生，即係雖然唔算好貴，但係都唔可以叫做平，有錢冇必要咁嘥。同埋，我地未算旗門如市，不如呢個鐘數出面都有唔少病人輪緊睇醫生，阻到人就唔係咁好啦。

兒在不自覺之間，把她跟聰的距離愈拉愈近，近得超越了病人與病人之間應該有的距離。二人之間本來還可以聽得見診療室內的背景音樂 《Conservation with myself》。只是到了這一刻，兩人之間除了彼此的呼吸聲以外，中間就根本容不下什麼。最後，兒還把她雙手，放在聰閣在腿的雙手之上。

兒： 醫生呀~~我講真架~~，雖然我地係第一次正式見面，不過呢~~唔知點解，我真係有一種同你識左好耐嘅感覺架。

被嚇壞了的聰，滿臉狐疑的把雙手從B那雙手逃走出來，然後作了一個投降狀。

聰： Well‧‧‧so‧‧‧

兒臉帶關愛的帶點情深地看著聰，一點也不像是惡作劇似的。

兒： 醫生，我講真架，我每一次見到你我都覺得你好孤獨。可能我都係類似嘅人，所以我好了解你呢種感受。雖然好似身處    群體當中，不過又好似同個群體好格格不入咁，不過因為工作呀、家庭呀呢啲咁切身的因素，你又唔可以唔同呢啲唔係好明你嘅人斷絕關係。所以呢，你就唯有搵辦 法同佢地方辦別開黎咁樣繼續生活。係咪？

聰被兒如此奇怪的論調一說，竟然回應不了，說不出話來。

兒： 醫生，你話你結左婚，不過，我留意左好幾次，你右手嘅無名指都冇帶結婚介指。但係你又話你結左婚，咁唔通你同你老婆關係唔係好好？佢唔識點去體諒你？

聰： Well‧‧‧我返緊工嘅時候除左啫‧‧‧

兒： 醫生。我講真架。如果你肯嘅話呢，我好可以代你老婆好好咁錫你架。我可以係呢度同你「做」架。真架，我係唔介意架。

聰： What！？

兒： 好簡單架渣。你只要而家去lock左度門，叫啲姑娘唔好入黎，我真係唔介意架。如果咁樣做我可以令你冇咁孤獨。如果    咁樣可以比到溫暖你的話，我‧會‧為‧左‧你‧咁‧做。

聰慢慢地從他的座位站起，思考著究竟眼下發生的是什麼事。他一面想跟眼前的這個女子保持一點醫生與病人的專業距離，一面思考這女子提供了他的可能性。

聰走到門口，手放在門鎖之上。良久，他終究都把診療室的大門打開。

聰： 小姐。我諗我都係請你離開會比較好啲。

兒也從座位站了起來。

兒： 醫生。我講嘅所有野都係真架。我真係覺得我同你可以好‧‧‧親密架。

聰： 唏！小姐！五分鐘前，我根本唔識你架！何況我都係講真架！我有老婆‧‧‧

就在此時，聰的電話響起。

聰： ‧‧‧同埋一個女架嘞！

聰按下接聽鍵。

聰： 喂？老婆？我走得架啦！我而家就揸車去接阿囡放學。嗯‧‧‧冇問題。接左阿囡我過黎接埋你丫。好‧‧‧我黎到你    附近打比你。嗯。拜拜。

聰把電話放回口袋，從容自在。

聰： See？我冇必要呃你，我真係有個老婆同囡。仲有，我睇唔出我婚姻有啲咩問題。就算有，都係我嘅事。我會我嘅辦法可以自己解決。何況，最重要嘅係，我唔想做啲對唔住我屋企人嘅野。

兒聽罷有點失落，不她似乎還想力挽狂瀾。

兒： 醫生。我講真架。我真係覺得同你有種好親密嘅感覺架。我將我呢種感覺講左比我個心理醫生聽。係佢叫我試下採取主動架。

聰： 吓話？咁我覺得你應該試下換一個心理醫生，或者試下搵多幾個。仲有，或者試下搵個另一個私家醫生，我估或者總有人會幫到你。麻煩你，係時候請你離開。我都係講真架：請。

聰站在門前，從容但堅定，不慌不忙、不急不疾的，請眼前這個有神經質、奇怪得有點可憐的B離開，看著眼前的這位B小姐，他不得不承認這位B小姐其實是蠻有魅力的。

最後，B小姐跌撞的拿起了她那個碩大的手袋，慌忙的離開。

聰看著B小姐的背影，搖一下頭、笑了一下，把公事包執拾好，然後離開。

******

由於從診療所到女兒的學校跨距離不是太遠的關係，聰都會選擇開走路的方式去接女兒放學，然後再走到診療所附近的停車場去。這樣做的確好似有點兒費時失事；不過換一個想法，其實反倒增加了跟女兒相處的時間。傅聰是非常珍惜女兒這個還會跟自己推心置腹、什麼都說的年紀的。

雖然說診療所到學校的距離不是太遠，不過一路上還是會經過幾條人潮湧湧的繁忙大街的。

如果你試過在一個大城市中的繁忙大街上走過，你也許會發現，除了街上會充斥著很多不知道為了什麼而忙碌著的人之外，在這個資訊發達得比你的心跳還要 快、還要密的城市，街上總會有不少做訪問調查、派傳單的人。因為，這應該是這個資本主義主導的社會上，能跟客戶的距離拉得最近、最直接、最便宜的一種接觸 方式。

不過，今天的街上有一點點的不同，今天街上混混的人群當中，有一位特別的醒目。

那位特別的醒目的派傅單的人化作了一隻很可愛、粉紅色的兔子。

聰站在紅綠燈前等待著過馬路的時侯，那隻粉紅色的兔子也在紅綠燈前的附近正在派傳單。兔子走去聰的身邊，跟他派了一份。聰看著眼前這位工作得如此辛苦的派傳單員，也欣然的把傳單收下。

紅綠燈剛好從紅色轉為綠色。等著過馬路的人潮，如等待復合的紅海海水一樣，一湧而去。也許是兔子特別醒目的關係，聰在過馬路的同時，仍然留意著那一個在酷熱的天氣下仍然奮力工作的兔子傳單員。

把傳單派了給聰之後， 粉紅色的兔子不知是太辛苦要休息一下，還是到了收工的時間，粉紅色的兔子中傳單人就在這個紅綠燈口把他那碩大的兔子頭部除下。然後，不知在什麼地方，他拿出了一支蒸餾水，一口氣的喝了半支。

聰看著這位把頭套除下了的派傳單員，忽然間有一種很熟悉的感覺浮起。
他赫然發現這個派傳單的人，是他認識的！

只是就在聰終於記起了這個派傳單的人是誰的時候，紅綠燈剛好從綠色轉為紅色。車子開始飛快的穿梭，隔開了聰與兔子傳單員。兔子傳單員也正準備向反方向離開。

聰： 生！

聰： 生！

聰： 靳鉄生！

當然，不論聰怎樣大叫也好，生也是不會聽得見的。

因為，生用隨身聽的耳筒把耳朵塞住了。

******

倘大的客廳中，放置了一張梳化、一桌茶几。茶几之上有一部橫放著的PS2電玩遊戲機。

PS2的左邊是一部影像投映器，影像放投映到面對梳化八呎距離的石屎牆之上。

梳化的軟墊是用黑色的布料造的，被冰冰的金屬支架支撐著。

PS2也是黑色的。跟梳化的黑色顯得很搭配。

靳鐵生深陷在梳化裡，把玩著一個叫作《勝利十一人》的電玩遊戲。

生混身散發著一種很專注、彷似當下除了眼前的電玩以外世界再沒有其他東西的感覺似的。

可是，如果你細仔留意的話，你又會發現，雖然生好像很專注其中似的，但是他的情緒似乎並沒有跟眼前他把玩著的電玩接軌，他對遊戲中的勝敗起伏，只有一種少得很不容易察覺的投入感，給人一種很強烈的精神與肉禮割裂的感受。

遊戲的勝負對生而言沒有多大的關係，他就活像一個只會打電玩的人形機械似的。

雖然，遊戲的畫面看似很激烈似的，不過聽不見有任何的聲音。聲音是刻意的被消掉了。因此，除了零星很微弱的電玩手控按鍵聲以外，倘大且空曠的客廳之內，散發著一種孤獨得叫人心痛的靜默。

忽然，連續數下很沉厚的敲門聲打破了空間中一直存在著的沉默。在寂靜當中，敲門聲好像被靜默無限的放大，讓人有一種不知道是什麼樣的侵襲快要來臨的感受。

只是，梳化上的生好像什麼也沒有聽見的樣子，依舊沒有間斷的打著電玩。

敲門聲沒有停下，斷續的以一連數下的頻率繼續著。然後，聽見一個中年女人的聲音。

母： 生！開門啦！我知你喺入面架！開門啦！

母： 生！開門啦！你想避我地避到幾時啫？

母停頓了一下，見生依舊沒有反，然後細聲的說：

母： 老豆呀！你開下聲啦！你幫下口啦！

父： 生！我呀！我知你係裡面！都過左咁耐啦，點解唔肯同我地傾下啫！話晒都係一家人，你有咩其實都可以同 我地傾下丫！

母跟父繼續敲著門。

父： 生！有好多野唔發生都發生左啦！我知道你係好難面對！我地又何嘗唔係呢？早幾日，我喺屋企執屋嘅時候， 我搵番好多舊相呀！你知唔‧‧‧‧

生從口袋中拿出了他的Ipod，將耳筒塞進耳朵。然後慢慢的把Ipod的音聲調較至最大，周遭的聲音也開始變得愈來愈細。耳筒中，傳來了粱詠琪的《花火》。

******

花火
粱詠琪
作詞：粱詠琪 | 作曲：粱詠琪

來吧伴我飛 不休不睡去飛
來盡力忘記 兩腳降落何地

若記憶憑據 到某一天告吹
回望即使太蠢 都相信我做得對

原來風雪可以使我堅壯使我堅強
假使敢夢與想 假使天真地唱
我也會笑容漂亮

原來歲月太長可以豐富可以荒涼
能忘掉結果 未能忘記遇上

長路若太短 花火生命更短
雙手可觸及你 我眼內還是暖

******

過了良久，一切回歸寂靜。回歸到那種孤獨得叫人心痛的靜默。

就只剩下零星很微弱的電玩手控按鍵聲。

******

註：

Sputnik

‧ 史潑尼克一號或稱史普尼克一號（俄语：Спутник-1，「衛星一號」或俄语：Sputnik，「旅行者」或音譯「史潑尼克」）是第一顆進入地球軌道的 人造衛星。在蘇聯於1957年10月4日於拜科努爾航天中心發射升空。由於這時正值冷戰，史潑尼克一號的發射震撼了整個西方，在美國國內引發了一連串事 件，如 史潑尼克危機、華爾街發生小股災。同時亦開始了美、蘇兩國之間的太空競賽。

史 潑尼克一號升空的意義，在於通過量度其軌道變化，有助研究高空地球大氣層的密度，並為於電離層作无线电 波傳遞提供原始的資料。由於衛星填充了壓縮氮，史潑尼克一號亦因此作了第一次人造物體作隕石探測的嘗試，由於高溫的隕石穿透了史潑尼克一號的表面，導致其 內壓泄漏，此亦為隕石之極端高溫提供證據。史潑尼克一號毫無先兆而成功的發射，導致美國的極大恐慌，並造成史潑尼克危機，因此亦激起美蘇兩國之後持續20 多年的太空競賽，成為冷戰的一個兩強主要競爭點。

當 史潑尼克一號於哈萨克拜科努爾航天中心發射之時，正值是1957年—聯合國所公佈的國際地球觀測年（又譯作國際地球物理年），它以每小時29,000 公里的速度脫離地球引力，成為第一個進入外太空的人造物體，在外太空它以20.005至40.002兆赫的頻率向地球發送無線電波信號 1958年初，史潑尼克一號失去動力，脫離其工作軌道並墜入大氣層，其工作壽命中，共圍繞地球運轉了六千萬公里。

我是街上的遊魂‧而你是聞到我的人

– 伍佰詩歌集1990-2002 ISBN：7538265708 出版社：沈陽 : 遼寧教育出版社

******

09年的8月6日，應該是我近幾年以來最愉快的一個生日。始終，07、08年的8月6日都未免苦得太一塌糊塗了罷。

09年能夠從陰霾中撤退，把過去的執著摧毀，將握緊了的拳頭放下，帶著很輕鬆的肩膀，重回了人間。我很清楚的知道，北京開始的那一段很彌足珍貴的記憶，是收入了百子櫃的時侯。我很慶幸，現在的我，可以像檢視以往的每一段歷史一樣，很客觀、很嬉笑怒罵的去品味。所以，我更明白，總有一天我是一定會找方法使它以不同的形式再現的。因為這事未免太有戲劇性，太值得記住與傳頌了罷。況且這也絕對是我的人生的狂妄史的絕佳見證呢！

09年的8月7日的八點許，放下了手上的工作，又走進了地下鐵，有點酸溜溜的踏上了歸家的旅程。

地鐵的車廂依舊的喧鬧，站在當中，看著九把刀的《這些年‧二哥哥很想你》，我覺得自己跟我眼前的情景很不搭調。

忽然間，有一種想哭的湧動。是喧鬧過後的寂靜，也是高漲過後的沉澱。

理所當然的，我沒有半點的眼淚。理所當然，是因為打從北京之後，不知何故，再怎麼難過也好，我一點淚也沒有流過，就好像被上帝開玩笑似的，不動聲息地眼淚這東西從我身上抽走了一樣。

離開地鐵，走到了地面，我回憶起過去兩天畫上的一筆一墨，然後，我默默的向上天禱告、謝恩。

******

感謝妳！感謝你跟我渡過的夜晚。對妳來說，可能根本是少事一則，沒有什麼意義。但，於我而言，三十歲的最後一晚能以這樣的方式去完結，真的美好得不得了。我真的不是個沒輒的人，只是我對待生活的方式，跟我對待信仰一樣，努力的在逃避成為「羊」而已。

感謝《竊聽風雲》！看到一部好的港產片的那份雀躍，是真的可以叫我手舞足蹈，興奮不已！我是一個不會忘本的人，我永遠都記得是什麼最早燃起了我對電影、對創作的熱情；我永遠都記得那份只有用母語電影才會有的悸動。我痛恨那些看輕港產片的人，痛恨是因為你們從來都沒有給予過他們機會。而且，身為一個創作人，我跟港產片都有有過同一樣的切膚之痛。

感謝燃燒哥！你係果日第一個打電話比嘅人。雖然我知你呢一世也不會記得我係邊一日生日。但做兄弟，唔駛講野；我欠你嘅，我預左要還。

感謝細佬！如果你快啲買多一個手製的話，我諗我會更加開心。我真係好懷念果啲打機打到反面嘅好日子。

感謝老闆！也多謝你的禮物！雖然出左上一期書之後，我憎到Pacific Coffee死。

感謝Calvin！感謝你果張「大師真跡」，我會好好咁儲起佢，等我第日山窮水盡果陣，舉比二叔公。我會努力咁搞野架嘞！等我！我唔係剩係識吹水！

感謝Sam、Bourree、Edmund！我發現原來我真的好耐冇飲過茶！我真係好鐘意一公司華人去飲茶。因為，我用cantonese果陣，係唔駛用腦嘅。

感謝Agee、Bernard、Don！邊有人迫人係公司飲酒架！仲要47%！搞到我係公司成個關公咁！好彩冇人裝香比我啫！仲有呀！以前我者係好憎marketing啲人，不過，你地好唔同，哈！又懶、又賤、又好玩！正！

感謝Juiliana！感謝你的阿華田甜筒！

Thanks! My dear Editors! You guys are so great! I love you two! Simon, i’ll really miss your cantonlish/enganese.  Paul, when you need a cup of water, tell me, and i’ll go to pawn and get 1 for you! Ha! I still don’t believe you guys are older than me!

多謝Dreamwork！對住大家，或者我仲係會嬲、會有脾氣(由其係對住阿Dale！)，但係我更清楚，呢個世界除左親人之外，Dreamwork係我最唔想失去嘅野，廿幾三十年係真係一啲都唔易，我真係好希望無驚無險、無穿無爛，又可以有多廿幾三十年。咁就真係Fantasic嘞！

多謝每一個打了電話、留了言的家人、朋友。沒有了你們，我這個充滿缺憾的人，一定會更加不完整。多謝你們對我的每一吋的包容。多謝你們告訴我，我並不只是個鏡中的殘影。

未來的一年，我會更加努力的學習如何去做個好人。

沒有說過你要戰勝，留下歡樂便無憾。猜猜情尋，雖不如人，不影響你笑臉迎人。

未來的一年，我會更努力的好好去玩我這個很好玩的人生。

前程不管可否錦繡加燦爛， 認真地玩、全心去玩、更好玩。

未來的一年，我期盼著《與我常在》。

未來的一年，我期盼著《如鏡的大海》。

《受難曲》中，耶穌背起了十字架，跟自己的母親說：「看！我在更新萬事！」

未來的一年，我可期盼著「萬事更新」。

阿們。

******

考究深奧的存在意義
何不試一試逐一的去試
亂去偷看結局
多糟蹋揭曉的真意思

若你心仍在跳
不需當先知
就趁有幸去生存時
你即管放肆

******

作曲：藍奕邦｜填詞：藍奕邦
編曲：Adam Lee｜監製：陳德健．李漢金．藍奕邦

何解我未曾問　已跟我講你懂
何解你所有口吻　極其像個老頑童
而你不過廿來歲　無法可將一切看通

對所有事情漸忘掉衝動
談起你未來亦滿臉愁容
越去估計前途　偏偏越會幻想起暗湧

但秒針仍在跳　光陰也未窮
凡事也自有它答案　這刻不要碰

可知道　時候尚早
前面尚有幾多的起伏　佈滿你一生旅途　很多個未知數
行前兩步你便看到　一切總會有分數
時候尚早　讓老天替你一一安排　並未願知得太早
誰預先打小報告　快掩耳　當聽不到
轉載來自 ※Mojim.com　魔鏡歌詞網
(緩緩地跟青春跳舞　這一剎　人還未老)

人生裡總有幾對手去等你拖
人生裡問題逐條逐條地一一探索
活到七老八十歲　還有很多未曾尋獲

考究深奧的存在意義
何不試一試逐一的去試
亂去偷看結局　多糟蹋揭曉的真意思